Nengeulaula 26:6 - Manobo Western Bukidnon

⁶ Ne g̵untaan dini ad te etuvangan nu tenged dà te edtuuwen ku he egketuman keuzemà is impesarig dengan te Megbevayà diyà te menge kepuun tew.

Nengeulaula 26:6 Kruisverwysings

Nengeulaula 23:6

Ne naahà ni Pablo he menge Sedusiyu is duma zutun te nengetig̵um he menge ebmeg̵urangen, ne is duma, ne menge Perisiyu. Ne tenged dutun, mibpekezag̵ing is egkag̵i te, “Menge suled, Perisiyu a ne Perisiyu zaan is ginikanan ku. Iyan ketezengan ke maan is mid-uwit e zan dini te keniyu g̵untaan is: edtuu a he keuzemà ebenhawen te Megbevayà is menge minatey.”

Nengeulaula 24:15

Is edtuuwan kayi te menge etew, edtuuwan ku zaan su edtuu a he is Megbevayà, ebenhawen din keuzemà is langun he etew, se meupiya is ulaula zin se mezaat is ulaula zin.

Nengeulaula 24:21

Su wazè dan netuenan gawas te imbensag ku he menge lalag diyà te kandan he ke siak te, ‘Iyan dà igkesumbunga niw kedì guntaan is kebpeketuu ku he egkengevanhew keuzemà is menge minatey!’ ”

Nengeulaula 26:8

Sikiyu is menge zuma ku he Hudiyu, maan is kenè kew ebpeketuu he ebenhawen keuzemà te Megbevayà is menge minatey?

Nengeulaula 28:20

Umba mibpenenawag a keniyu su wey a mekepekidlalag keniyu. Su nepusasan a tenged te kedtuu ku te hadì he ibulus he ebpeebuten tew te menge Hudiyu.”

Nengeulaula 3:24

Ne is menge zuma he ebpemeneuven dengan he ebpemenagnà,” ke si Pedro, “iring ki Samuel wey is nemekesunud kandin, netagnè dan daan is egkengeulaula g̵untaan.

Ruma 15:8

Benar is egkeg̵iyen ku he si Kristu, nehimu sikandin he iring te sulug̵uen te menge Hudiyu su wey zin ikepaahà kandan he tutuu iyan he edtumanen te Megbevayà is menge penaad din dengan diyà te menge kepuun dan.

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,

Tito 2:13

Su zuen edteg̵azan ta he andew he zutun ibpeg̵awag̵awa is lavew he Megbevayà he iyan Menluluwas tew he si Jesu Kristu he utew zekelà is gehem din. Iyan sikandin ebperetengen ta.