Nengeulaula 26:25 - Manobo Western Bukidnon

²⁵ Ne midtavak si Pablo te, “Minahal he Pistu, is lalag ku, kenà lalag te ebuneg̵en, kekenà, tutuu.

Nengeulaula 26:25 Kruisverwysings

Lucas 1:3

Ne siak daan guntaan, geina te mibpurungan ku te ed-istudyu heini, puun pa te puunà kayi te nengeulaula, neisip ku he meupiya zaan ke ebpurungan ku kenikew te edsurat is kegug̵uza kayi te langun.

Juan 8:49

Ne midtavak daan si Jesus te, “Wazà a suuki. Emun ebentug̵en ku is Amey ku he Megbevayà, maan is edsulaan a keniyu?

Nengeulaula 23:26

Ke sikandin te, “Surat heini ni Claudio Lisyas diyà te ki Gubirnedur Felix. Kumusta ka.

Nengeulaula 24:3

Ne utew zey igkelipey heini is langun ne zekelà layun is kebpeselemati zey kenikew.

Tito 1:9

Kinahanglan he zutun te kebpenurù din, kenè din suwayi is tutuu he tuluuwen he iyan impenurù ta. Su emun iyan ibpenurù din is tutuu he tuluuwen, egkeheg̵et is kedtuu te ebpememineg kandin ne igkepesavut din he utew nengesayep is edsumpalit te penurù din.

1 Pedro 3:15

Layun niw isipa he iyan egalen niw si Kristu. Layun niw endama is tavak ke zuen ed-insà keniyu ke maan is ebpekesarig kew te Megbevayà.

1 Pedro 3:9

Ke zuen ebpesipala keniyu kenè niw velesi te mezaat. Ke zuen edrawak keniyu kenè niw zaan penrewaki, kekenà, belesi niw te meupiya. Su umba midhimu kew te Megbevayà he menge tumutuu su wey kew zin metuvazi te meupiya.