Nengeulaula 22:8 - Manobo Western Bukidnon

⁸ Ne mid-insà a te, ‘Hentei ka?’ Ne ke sikandin te, ‘Iyan a sikan is ebpesipelahan nu he si Jesus he tigNeserit.’

Nengeulaula 22:8 Kruisverwysings

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 25:45

Ne zutun edtavak a is hadì te, ‘Egkeg̵iyen ku keniyu he ke wazè niw tevangi is minsan sevaha kayi te utew minus is pid-etawan din, siak is wazè niw metevangi.’

Nengeulaula 10:14

Ne midtavak si Pedro te, “Kenà a, Nengazen, su wazè e pa mekekaan te minsan hengkey he meremerik he iring keniyan su indawey te kesug̵uan.”

Nengeulaula 22:7

Ne nepiley a ne zutun nezineg ku is egkag̵i te, ‘He Seulu, maan is ebpesipelahan a kenikew?’

Nengeulaula 26:9

Ne siak, kunaan ku zengan ke iyan ebpeveelan kedì te Megbevayà is ed-ul-ulahan ku is taman te egkehimu ku su wey maawà diyà te minsan hentei is kedtuu zan ki Jesus he tigNeserit.

Nengeulaula 3:6

Ne migkag̵i si Pedro te, “Wazè ku naazen he vulawan wey selapì, iyan, is naazen ku, ibeg̵ey ku kenikew. Tenged te g̵ehem te ngazan ni Jesu Kristu he tigNeserit, ebpekehipanew ka!”

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

Nengeulaula 6:14

Su nezineg dey sikandin is egkag̵i he is simbahan tew he Valey te Megbevayà, edrundusen ni Jesus he tigNeserit ne ed-ilisan daan ni Jesus is langun he menge vetasan tew he imbilinbilin kenitew zengan ni Moises.”

1 Kurintu 12:12

Ne minsan pa te kenà ed-iiring-iring is ketau he imbeg̵ey kenitew te kada sevaha, nesevaha kiw g̵ihapun su iring kiw te sevaha zà he lawa ni Kristu he mezakel is menge parti zin.