Nengeulaula 20:38 - Manobo Western Bukidnon

³⁸ Utew zan ingkeseeng is lalag din he kenè dan en maan sikandin egkeahà. Ne zutun midumahan dan diyà te barku.

Nengeulaula 20:38 Kruisverwysings

Nengeulaula 15:3

Ne hein migenat dan, midtevangan sikandan te menge tumutuu. Ne ziyè dan mekevayà te prubinsya he Pinisya wey prubinsya he Semarya ne impenudtul zan te menge tumutuu zutun he nemeketuu en is mezakel he kenà menge Hudiyu. Mibpenudtul zan he mid-ewaan en te kenà menge Hudiyu is daan he tuluuwen dan wey zan mekesundan te Megbevayà. Ne hein nezineg haazà te menge tumutuu ziyà, nengelipey zan utew.

Nengeulaula 20:25

Midtukid ku sikiyu weliyi te kedhadì te Megbevayà Ne g̵untaan netuenan ku en he kenà ad maan keniyu egkeahà.

Nengeulaula 21:16

Ne zuen menge tumutuu he tigSisarya he miduma kenami ziyà te Hiruselim. Inhated key zan diyà te valey he ebpemenehikan dey, diyà te valey ni Menasun he tigSipru. Sevaha sikandin dutun te nengehuna he menge sumusundan ni Jesus.

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Nengeulaula 25:26

Ne wazà ketezengan he igkesurat ku mehitenged kandin he zait he idhendiyà te hadì tew. Umba ibpeetuvang ku en keniyu g̵untaan lavew en diyan te kenikew, Hadì Egripa, su wey zuen igkesurat ku ke egkeimbistiga nu sikandin.

1 Kurintu 16:11

Kinahanglan he edtehuzen niw sikandin, ne emun edlaus te hipenawan din ne tevangi niw sikandin, ne ipeehè niw is gag̵ew niw kandin su wey mekelikù sikandin dini te kedì, su ebpeebuten ku sikandin wey is menge zuma zin he menge suled tew te kedtuu.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.