Nengeulaula 19:35 - Manobo Western Bukidnon

³⁵ Ne hein neug̵et en, is sikritaryu zutun te inged dan, ingkepeengked din haazà is kedsinamuk te menge etew. Ke sikandin te, “Menge zuma ku he tig-Ipisu, netuenan en te minsan hentei he sikitew is menge tig-Ipisu, insarig kenitew is simbahan te lavew he ziwata he si Diana wey is edselilayen he vatu he neulug he ebpuun te langit.

Nengeulaula 19:35 Kruisverwysings

Juan 9:31

Netuenan tew he is Megbevayà, kenè din edtevangan is mesinupaken he etew, iyan, ke zuen etew he ed-azap kandin wey edtuman te egkesuatan din, iyan edtevangan din.

Nengeulaula 18:19

Nekeuma zan diyà te inged he Ipisu ne mid-ewaan ni Pablo si Ekilu wey si Priscila. Midhendiyà sikandin te simbahan te menge Hudiyu ne mibpekibpezeyag̵à sikandin te menge ketezengan.

Nengeulaula 19:26

Siguradu neehè niw wey nezineg niw en is ebeelan kayi te etew he egngezanan ki Pablo. Egkeg̵iyen din he is menge ziwata he ebeelan te etew, kenà hustu he ed-ezapen. Mezakel is menge etew he nemeketuu te egkeg̵iyen din ne kenà dini zà te inged tew he Ipisu, kekenà, te tivuuk he prubinsya tew he Asya.

Nengeulaula 19:34

Iyan, hein netuenan dan he Hudiyu sikandin, mibpememensag dan med-uman te, “Lavew si Diana he edsimbahan tew te tig-Ipisu.” Ne seled te zezuwa he uras is kepememensag dan dutun.

Nengeulaula 19:36

Wazà ebpekekag̵i he kenà tutuu heini. Umba kinahanglan he maawà is keinit te g̵ehinawa niw ne engked kew is edsinamuk.

Ipisu 2:12

Netuenan niw he zengan wazè niw upakat ki Kristu ne wazè kew iragkes te menge etew he pinilì te Megbevayà. Wazè kew zaan mekeambit duen te menge meupiya he impenaad te Megbevayà kandan. Wazà egkepaabut niw he tavang te Megbevayà ne kenà duen dà taman su wazè niw metueni ke hentei is tutuu he Megbevayà dini te kelibutan.

1 Timoteo 4:2

pinaag̵i te menge tarù te menge uvag kun tumutuu he kenè en ibmezaat te g̵ehinawa zan is menge mezaat he ulaula zan.