Nengeulaula 16:23 - Manobo Western Bukidnon

²³ Ne hein nepurung en mevug̵el si Pablo wey si Silas, mibpirisu sikandan. Sikan is ebantey zutun te pirisuwan, midteleenan dan he purungi zin bentayi haazà is dezuwa.

Nengeulaula 16:23 Kruisverwysings

Mateo 26:48

Si Hudas, is giya zan pehendiyà te ki Jesus, migkag̵i zin he zaan ke hengkey is tuus te kegketueni zan ki Jesus. Ke sikandin te, “Is etew he edhezekan ku, ne iyan en ebpen-ahaan niw. Ne zekepa niw en.”

Lucas 21:12

Iyan, kayi te kenè pa heini egketuman ne edekepen kew te menge etew ne ebpesipelahan kew zan. Ibpeetuvang kew zan te menge punuan te menge simbahan te menge Hudiyu ne egkestiguwen kew zan. Ibpeetuvang kew zaan te menge hadì wey menge gubirnedur tenged te kedsundan niw kediey.

Nengeulaula 12:18

Ne hein nepawà dutun, utew nengeliveg is menge sundaru ziyà te pirisuwan su hendei vuwa si Pedro?

Nengeulaula 12:4

Ne zutun te kegkezakep ki Pedro, impepirisu sikandin ni Hirudis ne impalad din diyà te heepat he gurupu he menge sundaru he iyan eguwardya kandin. Ne tig-epat he sundaru is kada gurupu. Neisip ni Hirudis he emun egkeipus haazà is pista he egngezanan te Pista te Kedlevayi, ed-imbistigahan din si Pedro ziyà te etuvangan te menge Hudiyu.

Nengeulaula 16:27

Ne zutun nepukew sikan is ebantey zutun te pirisuwan. Ne hein neehè din he nengepuwas is menge lekeb te pirisuwan, kunaan din ke nemekepelag̵uy is menge pirisu ne midhulavut din is sundang din. Edsundangen din en pezem is lawa zin su edhiket.

Nengeulaula 16:36

Ne zutun midtudtul haazà ki Pablo te ebantey te pirisuwan. Ke sikandin te, “Insug̵ù te menge upisyal he Rumanu he ibpaawà kew en ki Silas. Ne ebpekeawà kew en kun asal kinahanglan he wazà samuk.”

Nengeulaula 5:18

ne midakep dan is menge epustul ne mibpirisu zan.

Nengeulaula 5:23

“Hein nekeuma key ziyà te pirisuwan, neehè dey he nepurungan melekevi is gemawan ne is menge vantey, dutun dan te uvey te g̵emawan, iyan, te kebpuwas dey wazè dey naahà diyà te seled,” ke sikandan.

Nengeulaula 8:3

Ne si Seulu, egkesuatan din he mezezeeti zin is upakat te menge tumutuu ne mezaat is ed-ul-ulahan din kandan. Midsusi zin is kada valey ne midakep din is menge tumutuu ne mibpen-uwit din is menge maama wey menge vahi ne mibpirisu zin.

Nengeulaula 9:2

Ne tenged dutun midhendiyà sikandin te lavew he memumuhat ne midhangyù he pesurati zin is menge egalen te menge simbahan te menge Hudiyu ziyà te inged he Demasku; ne hengyua zin he itug̵ut dan ki Seulu is kedekepa te minsan hentei he egkeehè din, maama se vahi, he edsunud te paag̵i ni Jesus. Ne sikan is egkengezakep din, ebekusen ne ed-uwiten diyà te Hiruselim.

2 Kurintu 11:23

Netuenan ku he henduen a te ebuneg̵en kayi te menge lalag ku, iyan, kenà egkesabpeng is bèbè ku kayi te egkeg̵iyen ku. Egkeg̵iyen dan he menge sulug̵uen sikandan ni Kristu. Siak, lavew e pa he metinumanen he sulug̵uen ni Kristu. Utew memereg̵en is ebpeveelan din kediey. Lelayun ad egkepirisu ne sikandan, kenà layun. Lelayun ad ebug̵ela te menge etew he kuntada te Megbevayà, kenà te sikandan. Mezakel en is nengeeg̵iyan ku he edhimetayan a pezem, kenà te sikandan.

2 Kurintu 6:5

Mibug̵el key, mibpirisu key, mibpesipelahan key te edsinamuk. Duen timpu he utew subra is terebahu zey ne nepurang key ne nevitil key zaan.

Ipisu 3:1

Ne tenged kayi te langun, siak si Pablo, is pirisu tenged te kedsundan ku ki Jesu Kristu, layun ku sikiyu id-ampù diyà te Megbevayà. Umba nepirisu a su insangyew ku is Lalag te Megbevayà diyan te keniyu te kenà menge Hudiyu.

Ipisu 4:1

Ne tenged kayi te langun, siak is pirisu tenged te midtuman ku is menge sugù te Nengazen, edhengyuan ku sikiyu he g̵eina te midhimu kew te Megbevayà he menge tumutuu zin, ul-ulaha niw is ulaula he zait he ed-ul-ulahan te tumutuu.

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.

Pilimun 1:9

iyan, tenged te utew ka mahal zini te g̵ehinawa ku, edhangyù e zà kenikew. Siak, si Pablo, is meg̵urang wey g̵untaan pinirisu a zaan tenged te kedtuu ku ki Kristu,

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.