Nengeulaula 15:41 - Manobo Western Bukidnon

⁴¹ Ne mid-eneb dan is menge prubinsya he Sirya wey Silisya ne midheg̵etan dan is kedtuu te menge tumutuu.

Nengeulaula 15:41 Kruisverwysings

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 18:18

Ne si Pablo, malù pa netegteg̵aad is ked-ubpè din dutun te Kurintu zuma te menge tumutuu ne human medlaus. Miduma zin si Ekilu wey si Priscila ne migenat dan. Ne zuen dutun impenaad ni Pablo ziyà te Megbevayà. Ne hein nekeuma zan diyà te inged he Singkriya, mibpaalut si Pablo he iyan tuus te midtuman din en. Ne mid-untud dan te barku he edhendiyà te prubinsya he Sirya.

Nengeulaula 21:3

Nekeuvey key ziyà te pulu he Sipru, iyan, midseg̵azan dey ziyà te egkeg̵ivang dey. Ne midlaus key ziyà te Sirya. Nekezunggù key ziyà te inged he Tiru su zutun idhaw-as is menge karga te barku.

Nengeulaula 6:9

Ne zuen daan menge kuntada ni Esteban. Iyan is menge Hudiyu he ziyà edsimba te egngezanan te Simbahan te menge Uripen he Nengevelukasan. Is duma kandan ne menge tigSirini, tig-Elihendriya, tigSilisya, wey tig-Asya. Ne ebpekidlewanè dan ki Esteban.

Gelasya 1:21

Ne zutun mibeyaan ku is prubinsya he Sirya wey Silisya.