Nengeulaula 10:14 - Manobo Western Bukidnon

¹⁴ Ne midtavak si Pedro te, “Kenà a, Nengazen, su wazè e pa mekekaan te minsan hengkey he meremerik he iring keniyan su indawey te kesug̵uan.”

Nengeulaula 10:14 Kruisverwysings

Mateo 15:11

Is igkeepesi te Megbevayà te etew, ne kenà iyan sikan is egkeenen he id-ahuk dutun te etew ziyà te vèbè din, kekenà, iyan sikan is menge mezaat he lalag he egawas he ebpuun te vèbè dutun te etew.”

Mateo 16:22

Ne zutun insivey sikandin ni Pedro, ne ke si Pedro te, “He Nengazen, berakat he kenà tumana te Megbevayà heini is migkag̵i nu.”

Mateo 25:9

Ne midtavak haazà is memetau te, ‘Kenà egkehimu su kenà egkampet kenitew te langun is gas he neuwit dey. Hendiyè kew te tindahan wey kew mekepemasa te gas.’

Mateo 8:2

Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”

Marcos 7:2

Neehè dan he is duma zutun te menge sumusundan ni Jesus, edsupaken dan is tuluuwen te menge Perisiyu su ebpemengaan dan he wazè dan mebpenlùlù te menge velad dan.

Lucas 1:60

Iyan, si Elisabet, wazà mesuat dutun ne ke sikandin te, “Kenà egkehimu su Juan is igngazan kandin.”

Juan 4:11

Ne zutun migkag̵i haazà is bahi te, “Mama, wazè nu man sekilut ne mezalem heini is kalut. Hendei nu man egkekuwa heeyan is wahig he ebpekeveg̵ey te untung?

Nengeulaula 10:13

Ne zuen migkag̵i ziyà te ki Pedro te, “He Pedro, lapè ka wey ka mekekaan.”

Nengeulaula 10:28

Ne migkeg̵iyan din sikandan te, “Netuenan niw en he sikami is menge Hudiyu, indawey kenami te tuluuwen dey is kebpekiduma wey kebpenumbaley ziyà te iring keniyu te kenà menge Hudiyu. Iyan,” ke si Pedro, “impesavut kedì te Megbevayà he kenè din egkesuatan he isipa ku he meremerik is minsan hentei su edewaten din is langun.

Nengeulaula 22:8

Ne mid-insà a te, ‘Hentei ka?’ Ne ke sikandin te, ‘Iyan a sikan is ebpesipelahan nu he si Jesus he tigNeserit.’

Nengeulaula 9:5

Ne migkag̵i si Seulu te, “Hentei ka?” Ne midtavak te, “Iyan a si Jesus kes ebpesipelahan nu.