Mateo 25:45 - Manobo Western Bukidnon

⁴⁵ Ne zutun edtavak a is hadì te, ‘Egkeg̵iyen ku keniyu he ke wazè niw tevangi is minsan sevaha kayi te utew minus is pid-etawan din, siak is wazè niw metevangi.’

Mateo 25:45 Kruisverwysings

Mateo 10:41

Ke zuen etew he edawat te ebpeneuven te Megbevayà tenged te Megbevayà is ebpenaub dutun te midawat din, ebpekeambit haazà is etew te suhul te Megbevayà dutun te ebpeneuven din. Ne ke zuen etew he edawat te metazeng he etew tenged te metazeng is ulaula zutun te etew, ebpekeambit sikandin te suhul te Megbevayà dutun te metazeng he etew.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 25:44

Ne ed-insè dan te, ‘Nengazen, keenu zey sikew maahà he egkevitil, ebpekeinum, wazà egkepemenehikan, wazà ugelingen, nezeruwan, wey ziyà te pirisuan ne wazè dey sikew metevangi?’

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Nengeulaula 9:5

Ne migkag̵i si Seulu te, “Hentei ka?” Ne midtavak te, “Iyan a si Jesus kes ebpesipelahan nu.

1 Kurintu 8:12

Ne emun pinaag̵i kayi te ulaula ta ebmesakit is gehinawa te menge zuma ta he tumutuu, nekesalè ki ziyà te kandan ne nekesalè ki zaan diyà te ki Kristu.