Mateo 25:35 - Manobo Western Bukidnon

³⁵ Su hein nevitil a, impekaan a keniyu; ne hein nemezahan a, impeinum a keniyu; minsan wazà a keniyu mekilala, midawat a keniyu ziyan te valey niw.

Mateo 25:35 Kruisverwysings

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 26:11

Layun niw egketevangi is egkengeayuayu su kenè niw mulà sikandan egkesuwey, iyan, siak, meg̵aan ku en sikiyu egkesuwey.

Marcos 14:7

Layun niw egketevangi is egkengeayuayu su kenè niw mulà sikandan egkesuwey, iyan, siak, meg̵aan ku en sikiyu egkesuwey.

Lucas 11:41

Ne sumalà is egkehimu niw, beg̵ayi niw is menge egkengeayuayu ne human egkehimu he egkelumpiyuwan kew egkepurungi.

Juan 13:29

Kunaan te zuma he ibpepemasa ni Jesus sikandin te egkinehenglanen dan he idsilibra te pista, ne emun kenà, duen ibpeveg̵ey ni Jesus diyà te menge egkengeayuayu. Umba iyan haazà netag̵ù diyà te g̵ehinawa zan su si Hudas, iyan edtipig te selapì dan.)

Nengeulaula 10:31

Ke sikandin te, ‘Cornelio, midineg en te Megbevayà is ked-ampù nu, ne wazè din daan melipati is tavang nu te menge etew.

Nengeulaula 11:29

Ne tenged dutun neuyun is menge sumusundan diyà te Entiyukya he ed-emutè dan te selapì. Ne mebeg̵ey is kada sevaha sumalà is egkehimu zin wey zan metevangi is menge egkengeayuayu he menge zuma zan he menge tumutuu ziyà te prubinsya he Hudiya.

Nengeulaula 16:15

Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

Nengeulaula 4:32

Mezesen is kebpekid-upakat te menge tumutuu su nesevaha zà is isip dan wey g̵ehinawa zan. Wazà minsan sevaha kandan he mid-isip din is menge azen din he iyan dà sikandin ebpehimulus, kekenà, mid-isip dan he sevaha zan dà te azen.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Ruma 12:20

Iyan ed-ul-ulahan ta is sambag te insurat he Lalag te Megbevayà he edhenduen te, “Emun egkevitil is kuntada nu, ipekaan nu. Emun egkemezahan, ipeinum. Su emun iyan heini ed-ul-ulahan nu, utew sikandin egkeeled tenged te pesipala zin kenikew.”

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

Ipisu 4:28

Is tekawen, engkezi zin is kebpenakew ne medterebahu su wey hustu he paag̵i is kegkuwaa zin te igkeuyag din ne wey metevangi zin is egkengeayuayu.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.