Mateo 21:34 - Manobo Western Bukidnon

³⁴ Ne hein tirag̵un en dutun, midsug̵ù din is menge sulug̵uen din he ibpekuwa te vahin din dutun te perasan din.

Mateo 21:34 Kruisverwysings

Mateo 21:35

Ne hein nemekeuma haazà is menge sulug̵uen din, mibpemug̵el zutun te impemeelima zin te perasan is sevaha zutun. Ne is sevaha, midhimetayan dan, ne is sevaha pa zutun, midtuleng dan te vatu.

Mateo 21:38

Iyan, hein naahà dutun te impemeelima zin te perasan haazà is anak din, migkag̵i zan te, ‘Na, iyan en heini sikan is anak din; kuwa kew en su edhimetayan tew ne egkeangken tew en heini is perasan din.’

Mateo 21:40

Ne ke si Jesus te, “Emun ebpekeuma sikan is teg̵ig̵aked dutun te perasan, hengkey is ed-ul-ulahan din dutun te impemeelima zin dutun te perasan?”

Mateo 21:41

Ne midtavak dan te, “Iyan is: ebpenhimetayan din haazà is impemeelima zin ne ebpeelimahan din maan haazà is perasan te selakew en he menge etew he ebeg̵ey mulà te vahin ke egkeuma is tirag̵un.”

Mateo 22:3

Midsug̵ù din is menge sulug̵uen din he ibpetukew sikan is menge etew he migkeg̵iyan he zaan he ipetelavuk dan en dutun te keemuran. Iyan, is menge etew, wazè dan itetepian haazà is menge sulug̵uen.

Marcos 12:1

Ne impenurù en maan ni Jesus is menge sempità. Ke sikandin te, “Duen etew he zuen din tanà he mibpemulaan din te g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig te ed-ubpaan te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Marcos 12:7

Iyan, hein nekeuma haazà is anak dutun te teg̵ig̵aked, migkag̵i haazà is impemeelima te, ‘Na! Iyan heini anak din; kuwa kew en su edhimetayan tew wey tew maangken heini is perasan din!’

Marcos 12:9

Ne mid-uman megkag̵i si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked? Ebeyaan din haazà is menge etew ne ebpenhimetayan din ne ebpeelimahan din haazà is perasan din te selakew en maan he menge etew.”

Lucas 20:9

Ne zutun impezineg ni Jesus te menge etew is sempità su ibpesavut din kandan is keag̵i te ed-ul-ulahan te Megbevayà. Ke sikandin te, “Duen etew he zuen din bevesukà he mibpemulaan din te menge g̵awed he paras. Ne mibpeelimahan din te menge etew ne midhipanew ziyà te sengeg̵inhedian ne neug̵et sikandin dutun.