Mateo 15:14 - Manobo Western Bukidnon

¹⁴ Bey-ani niw en is menge Perisiyu. Iring sikandan te menge lakap. Ne ke zuen lakap he ed-eg̵aken din is sengelelakap, haazà is ebpeeg̵akà, ne pudu egkeulug diyà te vitu.”

Mateo 15:14 Kruisverwysings

Lucas 6:39

Ne impezineg ni Jesus is sempità, ke sikandin te, “Is etew he lakap, kenà egkehimu he ed-ag̵ak te sengelelakap daan, su pudu zan is dezuwa, egkeulug diyà te vitu.

Juan 9:39

Ne migkag̵i si Jesus diyà te kandin te, “Umba midhendini a te kelibutan su wey mesusi is nengeulaula te menge etew. Ne is etew he netuenan din he lakap is kedsavut din, ebewian ku wey mebmeupiya is kedsavut din. Ne is etew he egkeg̵iyen din he kenà lakap is kedsavut din, utew pa ed-iseg is kegkelakap te kedsavut din.”

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.

2 Pedro 2:1

Duen dengan menge teruen he etew he uvag kun ebpeneuven te Megbevayà ne iring din ded daan, duen menge etew he edlepew g̵untaan he ebpenurù te tarù diyan te keniyu. Sayep is ibpenurù dan te meeles ne ebpekezezaat heini te upakat niw te menge tumutuu. Ibpenurù dan he kenà Nengazen tew si Jesus he iyan pezem mibelukas kandan ne tenged dutun egketik-awan sikandan ke edsilutan dan.

2 Pedro 2:17

Ne haazà is menge etew he ebpenurù te tarù, iring sikandan te kalut he nemezahan. Iring sikandan te g̵apun he ebpegwisen te keramag su wazè dan menge pulus. Integ̵ana te Megbevayà is egkeubpaan dan diyà te Impirnu he utew merusirem.

Impezayag 19:20

Ne midakep haazà is langgam ne midakep daan kes ebpeneuven ni Setanas, sikan is mibpaahà te menge egkein-inuwan diyà te etuvangan te langgam. (Pinaag̵i zutun te menge egkein-inuwan mid-ekalan din wey meketuu te langgam haazà is langun he menge etew he midtiyapan te tiyap duen te langgam wey mid-azap te ledawan te langgam.) Ne sikan is langgam wey kes ebpeneuven ni Setanas, intimbag sikandan he uuyag pa ziyà te ranew he egkeregreg te esupri.

Impezayag 22:15

Iyan, diyè dà te meziyù is mekeeled-eled is baal zin, wey is menge keteuwan, is memeremerik is ulaula, is menge memumunù, is ebpemenimba te menge ledawan wey is langun he menge etew he ebpenurù te tarù wey is etew he limbung is ulaula zin.