Mateo 13:19 - Manobo Western Bukidnon

¹⁹ Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

Mateo 13:19 Kruisverwysings

Mateo 12:26

Umba, ke pinaag̵i te g̵ehem ni Setanas egkezaag ku is gehem ni Setanas, egketebek din bes is menge sakup din ne egkezezeetan din is gehem din.

Mateo 13:20

Ne is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg.

Mateo 13:38

Haazà is pemuleey, ne iyan heini is kelibutan; ne haazà is menge meupiya he pinemula, ne iyan heini is menge etew he ebpahadì te Megbevayà; ne sikan is menge mezaat he pinemula, ne iyan is menge sakup ni Setanas.

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 5:37

‘Uya’ zà ne emun kenà, ne ‘Wazà’ is keg̵iya niw. Su is minsan hengkey he lalag he egemiten niw te kedheg̵eta te menge penaad niw, diyà ebpuun te ki Setanas.

Marcos 4:15

Ne is benì, ne iyan is Lalag te Megbevayà he zuen nemekezineg duen, iyan, midlepew si Setanas ne midhimu zin he melipati zuen te nekezineg sikan is lalag he nezineg dan.

Lucas 10:9

Pemewii niw is egkengezeruwan dutun te inged. Ne keg̵iyi niw is menge etew zutun he meg̵aan en is timpu te kedhedii kandan te Megbevayà.

Lucas 9:2

Ne zutun ne impehipanew zin sikandan su wey zan ikepesavut is Meupiya he Tudtulanen te keag̵i te kedhadì te Megbevayà ne wey zan daan mekepemawì te minsan hengkey he egezamen te etew.

Juan 18:38

Ne zutun migkag̵i si Pilatu te, “Meupiya pezem ke zuen netau te tutuu he tuluuwen.” Ne zutun te nekag̵i zin heini, midlawang en maan si Pilatu ziyà te menge Hudiyu ne ke sikandin diyà te kandan te, “Wazè ku egketuenan he salè din.

Juan 8:43

Umba kenè kew ebpekesavut te egkeg̵iyen ku su kenè niw egkesuatan te edtuman is ibpenurù ku.

Nengeulaula 17:32

Ne hein nezineg dan haazà is kegkevanhew he nekag̵i ni Pablo, is duma zutun midsumpalit dan sikandin. Iyan, duen duma he egkag̵i te, “Likù ka kayi su egkesuat key pa he ebpemineg te kedseysaya nu kayi.”

Nengeulaula 18:15

Ne g̵eina te mehitenged dà heeyan te kegkesumpakì niw tenged te menge ngazan wey is kesug̵uan niw, iyan kew en medhuhusey su kenà a iyan ebpenhusey te iring dutun.”

Nengeulaula 20:25

Midtukid ku sikiyu weliyi te kedhadì te Megbevayà Ne g̵untaan netuenan ku en he kenà ad maan keniyu egkeahà.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 2:8

Iyan, duen daan duma he menge etew he iyan dan ed-isipen is kandan he egkesuatan ne kenè dan edtuuwan is tutuu he tuluuwen, kekenà, iyan dan edtumanen is kenà hustu. Ne kenà deisek dà is pauk te Megbevayà he ibpeehè din kandan, kekenà, utew meveg̵at is idsilut din kandan.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

2 Tiselunika 2:12

Ne tenged dutun, edsilutan te Megbevayà is langun he kenà edtuu te tutuu he tuluuwen, su iyan igkesuat dan is mezaat he ulaula.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

1 Juan 3:12

Kenè tew ed-iringan si Kain su sakup sikandin ni Setanas ne mibunù din is hazi zin. Umba mibunù din su mezaat is kandin he ulaula ne metazeng mulà is menge ulaula te hazi zin.

1 Juan 5:18

Netuenan tew he wazà minsan hentei he nehimu he anak te Megbevayà he layun ed-ulaula te mezaat su edlig-enan sikandin te Anak te Megbevayà ne kenè en sikandin egkehilevetan ni Setanas.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.