Mateo 12:48 - Manobo Western Bukidnon

⁴⁸ Ne migkag̵i si Jesus te, “Duen ku pa ibpaahà keniyu he iney ku wey menge suled ku.”

Mateo 12:48 Kruisverwysings

Mateo 10:37

Ke zuen etew he iyan mahal ziyà te g̵ehinawa zin is amey zin wey iney zin kenà siak, kenà dait sikandin he egngezanan he sumusundan ku. Ne ke iyan mahal ziyà te g̵ehinawa zin is anak din kenà siak, kenà daan sikandin dait he egngezanan he sumusundan ku.

Mateo 12:47

Ne migkeg̵iyan si Jesus te etew zutun te, “Ahaa nu is iney nu wey menge hazi nu zutun su zuen dan kun egkeg̵iyen kenikew.”

Mateo 12:49

Ne zutun intezù din is menge sumusundan din te migkag̵i te, “Heini zed is iney ku wey menge suled ku.

Lucas 2:49

Ne midtavak si Jesus te, “Maan is ebpen-ahaan a keniyu? Wazè niw ve metueni he kinahanglan he zini a te valey te Amey ku?”

Lucas 2:52

Ne midtulin is lawa ni Jesus ne mid-iseg is ketau zin te ked-isip. Inmeupiya sikandin te g̵ehinawa te Megbevayà ne henduen ded daan is etew.

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.