Marcos 6:46 - Manobo Western Bukidnon

⁴⁶ Ne hein nekehipanew en haazà is menge etew, midtekezeg si Jesus diyà te vuvungan su mid-ampù.

Marcos 6:46 Kruisverwysings

Mateo 14:23

Ne hein nemekehipanew en haazà is menge etew, midtekezeg si Jesus diyà te vuvungan te sebsevaha zin ne mid-ampù. Ne hein mezukilem en, kemulu pa zutun si Jesus te sebsevaha zin.

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Marcos 1:35

Ne hein egkepkepawè en, ne mid-enew si Jesus ne mid-awà diyà te valey ne midsivey sikandin diyà te wazà duen etew su ed-ampù.

Marcos 6:47

Ne hein mezukilem en dutun, haazà is nemen-untud te avang, meziyù dan en su ziyè dan en te lawed dutun te ranew, ne si Jesus, kemulu pa sikandin dutun te vuvungan te sebsevaha zin.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Nengeulaula 18:18

Ne si Pablo, malù pa netegteg̵aad is ked-ubpè din dutun te Kurintu zuma te menge tumutuu ne human medlaus. Miduma zin si Ekilu wey si Priscila ne migenat dan. Ne zuen dutun impenaad ni Pablo ziyà te Megbevayà. Ne hein nekeuma zan diyà te inged he Singkriya, mibpaalut si Pablo he iyan tuus te midtuman din en. Ne mid-untud dan te barku he edhendiyà te prubinsya he Sirya.

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.