Marcos 5:38 - Manobo Western Bukidnon

³⁸ Ne hein nekeuma zan en dutun te valey ni Hayru, ne naahà ni Jesus dutun he egkengeg̵isaweg is menge etew, ne nezineg din is ebpemenlelendag wey ebpemenineg̵ew.

Marcos 5:38 Kruisverwysings

Mateo 11:17

‘Edtemburan dey sikiyu ne kenè kew edsayew, ne edlelendag key ne kenè kew zaan edtampu.’

Mateo 9:18

Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Marcos 5:22

Ne zutun nekeuma zaan is etew he egngezanan ki Hayru. Pengulu si Hayru te sevaha he simbahan te menge Hudiyu. Ne hein neehè din si Jesus ne mid-uvey sikandin diyà te kandin ne midluhud diyà te etuvangan din.

Marcos 5:39

Ne midseled ensi Jesus dutun te valey ne migkeg̵iyan din sikandan te, “Maan is egkengeg̵isaweg kew? Maan is ebpemenineg̵ew kew? Wazà mebpatey heeyan is batà, kekenà, midlipezeng!”

Nengeulaula 9:39

Ne migenat si Pedro is eduma kandan. Ne hein nekeuma si Pedro miduma zan diyà te rug̵u he ziyà te zivavew. Ne zuen dutun menge valu he vahi ne midlingutan dan si Pedro te ebpemenineg̵ew. Ne impeehè dan kandin is menge kumbalà wey zuma pa he ugelingen he mibpenahì ni Durkas hein uuyag pa.