Marcos 2:1 - Manobo Western Bukidnon

¹ Ne nepipira pa zutun he menge andew, midlikù si Jesus diyà te inged he Kepirnaum. Ne nezineg te menge etew he ziyà si Jesus te valey zin.

Marcos 2:1 Kruisverwysings

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Mateo 9:1

Ne zutun mid-untud en maan ensi Jesus te avang ne midlikù diyà te zehipag. Ne mid-ulì diyà te inged din.

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 2:2

Ne nengetig̵um sikandan dutun te valey. Utew mezakel is menge etew zutun ne tenged kayi wazè dan en ed-ereg̵an minsan diyà te zeringdingan he uvey te g̵emawan. Ne impesavut kandan ni Jesus is Lalag te Megbevayà.

Marcos 3:20

Ne zutun ensi Jesus, wazè dan en timpu minsan te kegkaan su utew mezakel is menge etew he nengeamur-amur ziyà te kandin.

Marcos 7:17

Ne hein mid-awà si Jesus dutun te menge etew ne midseled diyà te valey, ne mid-insaan sikandin te menge sumusundan din ke hengkey is kehulug̵an duen te migkag̵i zin.

Marcos 7:24

Ne mid-awà si Jesus dutun te prubinsya he Geliliya ne midhendiyà te menge inged he uvey te inged he Tiru. Ne te kebpekeuma zin dutun ne mibpemenahik diyà te sevaha he valey. Ne kenè din pezem egkesuatan he metueni te menge etew ke hendei sikandin medateng, iyan, wazà haazà iyan mehitavù is egkesuatan din su segugunà nekeeneb haazà is tudtul te kebpekeuma zin.

Marcos 9:28

Ne hein nekeulì ensi Jesus diyà te valey he midetengan dan ne wazà dutun duma he etew, kekenà, iyan dan dà, ne mid-insaan sikandin te menge sumusundan din te, “Maan is wazè dey meulii sikan is batà he edlelungen te mezaat he mulin-ulin?”

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Lucas 5:18

Ne zutun nekeuma is menge etew he ed-uwit te etew he minatey is divaluy he lawa zin he impehizeg̵à te zuyanà. Idseled dan pezem dutun te valey su wey zan ikesavuk diyà te etuvangan ni Jesus.

Juan 4:47

Ne hein nezineg din is tudtul he nekeuma si Jesus diyà te Geliliya he ebpuun te Hudiya, midhendiyà te ki Jesus ne midhengyuan din he medhendiyà te Kepirnaum su wey zin mevewii haazà is anak din su ebpatey en.

Nengeulaula 2:6

Ne hein nezineg dan haazà is mezag̵ing, nerivurun sikandan dutun. Ne utew zan nengeinuinu su is kada sevaha zutun te menge etew he nerivurun, egkezineg din is kandin he keugelingen he kineg̵iyan he egkekag̵i zutun te menge tumutuu.