Marcos 13:3 - Manobo Western Bukidnon

³ Ne hein diyè dan te vuvungan he egngezanan te Ulivuwan, egkepantew zan sikan is dekelà he simbahan. Ne mid-insaan si Jesus eni Pedro, Santiago, Juan, wey Andres dutun te wazè dan duma,

Marcos 13:3 Kruisverwysings

Mateo 13:10

Ne mid-uvayan si Jesus te menge sumusundan din, ke sikandan te, “Hengkey is ketezengan ke maan is migamit ka te menge sempità dutun te kebpenurù nu te menge etew?”

Mateo 13:36

Ne zutun mid-ewaan ni Jesus haazà is mezakel he menge etew ne midseled sikandin diyà te valey. Ne is menge sumusundan din, midtelukun dan kandin, ne ke sikandan te, “Luwasa nu kenami ke hengkey is kehulug̵an te menge mezaat he pinemula ziyà te kamet he zuen te sempitè nu.”

Mateo 17:1

Neiwas is heenem dutun he andew ne miduma ni Jesus ensi Pedro, si Santiago, wey si Juan, sikan is hazi ni Santiago, ne midtekezeg dan te metikang he vuntud he iyan dan dà.

Mateo 21:1

Ne hein uvey zan en diyà te inged he Hiruselim su uvey zan te inged he Bitpagi, ne uvey zaan te vuvungan he egngezanan te Ulivuwan, migkeg̵iyan ni Jesus is dezuwa zutun te sumusundan din,

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Marcos 10:35

Ne zutun mid-uvey ziyà te ki Jesus is dezuwa he anak ni Sibidiyu he si Santiago wey si Juan, ne ke sikandan te, “He Menunudlù, duen dey idhangyù diyà te kenikew.”

Marcos 13:4

ke sikandan te, “Keg̵iyi key ke keenu egkehitavù heini is langun wey ke hengkey is egkeulaula he tuus he iyan en timpu he egketuman sikan is langun he migkag̵i nu g̵eina.”

Marcos 14:33

Ne zutun miduma zin si Pedro, si Santiago, wey si Juan, ne midlaus dan pa ziyà te egkehunaan dutun. Utew neseeng sikandin wey mibmesakit utew is gehinawa zin.

Marcos 4:34

Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.

Marcos 5:37

Ne zutun iyan dà impelaus ni Jesus he eduma kandan ki Hayru, si Pedro, si Santiago, wey si Juan he suled ni Santiago.

Marcos 9:2

Neiwas is heenem dutun he andew, ne miduma ni Jesus ensi Pedro, si Santiago, wey si Juan ne midtekezeg dan te utew metikang he vuvungan he iyan dan dà. Ne zutun te kedtengtengi zan ki Jesus netik-ew mahalin is dagwey zin.