Marcos 12:32 - Manobo Western Bukidnon

³² Ne zutun migkag̵i haazà is menunudlù te kesug̵uan diyà te ki Jesus te, “Tutuu iyan. Nevenaran a keniyan te egkeg̵iyen nu he sebsevaha zà is Megbevayà ne wazè en duma pa he Megbevayà.

Marcos 12:32 Kruisverwysings

Marcos 12:29

Ne midtavak si Jesus te, “Iyan heini is edhuna: ‘Pemineg kew, sikiyu is menge kevuwazan ni Israyil. Is Megbevayà tew he Nengazen te langun, sebsevaha zà sikandin he Megbevayà.

Marcos 12:33

Ne is kebmahala ta te Megbevayà he Nengazen diyà te g̵ehinawa ta, diyà te isip ta, diyà te kedsavut ta wey ziyà te tivuuk he ulaula ta, wey is kebmahala ta te zuma ta he iring en sikandin te keugelingen ta he g̵ehinawa, ne lavew pa heini kenà te langun he menge pemuhat he edtutungen wey menge halad.”