Marcos 12:28 - Manobo Western Bukidnon

²⁸ Ne zuen dutun sevaha he menunudlù te kesug̵uan he nezineg din is kebpekidlewanè dan ki Jesus ne hein nesavut din he utew tutuu is menge tavak ni Jesus kandan, mid-insà sikandin te, “He Menunudlù, hendei zapit is edhuna zuen te langun he kesug̵uan?”

Marcos 12:28 Kruisverwysings

Mateo 19:18

Ne mid-insà haazà is etew te, “Hengkey he menge sug̵ù?” Ne midtavak si Jesus te, “Kenè ka mebunù; kenè nu selselai is esawa nu; kenè ka penakew; kenè ka tarùtarù;

Mateo 23:23

Kehizu niw te menge menunudlù te kesug̵uan wey sikiyu is menge Perisiyu, su tarù is kedtuu niw te Megbevayà! Ibeg̵ey niw te Megbevayà is ikepulù he vahin minsan te menge perehemut te egkeenen iring te yirbebuyna, anis, wey kuminu, iyan, kenè niw edtumanen is menge lavew pa he sug̵ù iring te ked-ula-ula te metazeng, kegkehizu te zuma niw, wey kedtumana niw te menge penaad niw. Kinahanglan he ibeg̵ey niw is ikepulù, iyan, kenè niw zaan teg̵aka heini is menge lavew pa he sug̵ù.

Mateo 5:19

Umba ke zuen minsan hentei he edlegkawen din is minsan utew zà deisey zuen te kesug̵uan ne ibpenurù din te zuma zin he kenà tumana haazà is midlagkew zin, iyan sikandin utew minus is pid-etawan din ke edhadì is Megbevayà he ziyà te langit. Ne iring din daan ke zuen etew he edtumanen din ebpurungi is kesug̵uan ne ibpenurù din diyà te zuma is kedtumana kayi, iyan sikandin lavew te langun he etew ke edhadì keuzemà is Megbevayà.

Marcos 9:14

Ne hein neumahan eni Jesus sikan is duma he menge sumusundan din, neehè dan he edlingutan te mezakel he menge etew ne ebpekidlewanà kandan is menge menunudlù te kesug̵uan.

Lucas 11:42

Kehizu niw te menge Perisiyu su ibeg̵ey niw te Megbevayà is ikepulù he vahin minsan te menge perehemut te egkeenen iring te yirbebuyna wey vawing wey is langun he menge edlumbayen, iyan, is metazeng he ulaula wey is kebmahala niw te Megbevayà diyà te g̵ehinawa niw, ne wazè niw isipa. Kinahanglan he iveg̵ey niw is ikepulù, iyan, kenè niw zaan ipeliyu heini is menge lavew pa he sug̵ù.

Lucas 20:39

Ne zutun migkag̵i is duma he menge menunudlù te kesug̵uan, ke sikandan te, “Utew venar heeyan is migkag̵i nu.”