Lucas 2:52 - Manobo Western Bukidnon

⁵² Ne midtulin is lawa ni Jesus ne mid-iseg is ketau zin te ked-isip. Inmeupiya sikandin te g̵ehinawa te Megbevayà ne henduen ded daan is etew.

Lucas 2:52 Kruisverwysings

Lucas 1:80

Ne haazà is anak ni Zacarias, midtulin ne mid-iseg daan is ketau zin te ked-isip. Ne hein nekeiseg-iseg en is kezekelè din ne midhendiyà sikandin te tanà he kenè ed-ubpaan te etew ne zutun med-ubpà taman te neuma haazà is timpu te kebpenurù din te menge kezuzumahi zin he kevuwazan ni Israyil mehitenged te Lalag te Megbevayà.

Lucas 2:40

Ne midekelà haazà is batà ne mibmezesen is lawa zin, ne utew sikandin metau he vatà ne midtuvazan sikandin te Megbevayà.

Ruma 14:18

Ne ke pinaag̵i kayi edsundanan ta si Kristu, igkesuat ki utew te Megbevayà, ne egkesuatan daan te menge etew is menge ulaula ta.