Juan 4:25 - Manobo Western Bukidnon

²⁵ Ne zutun migkag̵i haazà is bahi te, “Netuenan ku he ebpekeuma keuzemà is mibpilì te Megbevayà wey mekehadì, sikan is migeraran ki Kristu. Ne emun ebpekeuma en, ibpesavut din kenitew is langun.”

Juan 4:25 Kruisverwysings

Mateo 1:16

Ne si Hakub, iyan amey ni Jose he iyan esawa ni Maria. Ne si Maria, iyan iney ni Jesus he migeraran he Misiyas, he ke và dà egkeg̵iya, kes mibpilì te Megbevayà he ibpahadì.

Mateo 27:17

Ne hein nevurun en dutun is menge etew, ne mid-insà si Pilatu te, “Hentei zapit is egkesuatan niw he edlibriyen ku, iyan be si Berabas wey ke iyan be si Jesus he migeraran he Pinilì te Megbevayà?”

Mateo 27:22

Ne migkag̵i si Pilatu te, “Ne emun iyan heeyan, ebmenmenuwen ku si Jesus he migeraran he Pinilì te Megbevayà?” Ne migkag̵i sikandan is langun te, “Iransang te krus!”

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

Juan 4:29

“Hendiyè kiw en wey niw maahà is etew he neketagnà te langun he nengeveelan ku. Kela ke iyan sikandin sikan is mibpilì te Megbevayà he ibpahadì.”

Juan 4:39

Ne mezakel is menge tigSemarya zutun he nemeketuu ki Jesus tenged te migkag̵i zutun te vahi he ke sikandin te, “Netagnè din is langun he nengeulaula ku.”

Juan 4:42

ne migkeg̵iyan dan sikan is bahi te, “Nemeketuu key, kenà tenged dà te migkag̵i nu, kekenà, tenged daan te nezineg dey is menge lalag din, ne netuenan dey en he tutuu iyan he iyan sikandin sikan is Menluluwas te menusiyà.”