Juan 18:1 - Manobo Western Bukidnon

¹ Ne te neketapus si Jesus dutun he ebpengumew-umew, sikandin wey is menge sumusundan din, midrapas dan te zal-ug he egngezanan te Kidrun. Ne zuen menge kayu he impemula zutun ne zutun dan mebpundu.

Juan 18:1 Kruisverwysings

Mateo 26:30

Ne zutun migkanta zan te kedalig te Megbevayà ne hein nepasad haazà migawas dan ne midhendiyè dan te vuvungan he egngezanan te Ulivuwan.

Mateo 26:36

Ne kebpekeuma zutun eni Jesus diyà te Gitsimeni, migkeg̵iyan din is menge sumusundan din te, “Kayi kew zà pinuu su edlaus key ziyà su ed-ampù a.”

Marcos 14:26

Ne zutun migkanta zan te kedalig te Megbevayà ne hein nepasad haazà, migawas dan ne midhendiyè dan te vuvungan dutun he egngezanan te Ulivuwan.

Marcos 14:32

Ne nekeuma ensi Jesus diyà te lugar he migngezanan te Gitsimeni. Migkeg̵iyan din is menge sumusundan din te, “Kayi kew zà pinuu taman te ebpekepasad a is ed-ampù.”

Marcos 14:42

Enew kew su heini en sikan is etew he ed-akal kedì. Edsinug̵ungen tew.”

Juan 14:31

iyan, is ed-ul-ulahan ku g̵untaan, ne iyan insug̵ù kediey te Amey ku he Megbevayà. Edtumanen ku heini su wey metueni te menusiyà he mahal zini te g̵ehinawa ku is Amey ku. Ne kuwa kew en su ed-awè kiw kayi.”

Juan 18:26

Ne zuen daan dutun sevaha he sulug̵uen te lavew he memumuhat. Haazà he sulug̵uen, megeget duen te nelepungan ni Pedro te telinga. Ne migkeg̵iyan din si Pedro te, “Henduen be te neehè ku sikew g̵eina ziyà te midekepan ki Jesus. Duma ke zin buwa?”

Nengeulaula 21:11

Mid-uvey ziyà te kenami ne migkuwa zin is bakes ni Pablo ne imbakus din te kandin he menge paa wey menge velad din ne ke sikandin te, “Ibpesavut kenitew te Wag̵as he Mulin-ulin he is teg̵ig̵aked kayi te vakes, iring kayi is kebekusa kandin te menge Hudiyu ziyà te Hiruselim ne ibpalad dan sikandin diyà te kenà menge Hudiyu.”