Juan 10:8 - Manobo Western Bukidnon

⁸ Duen menge ebpenurù he midhuna kediey zini, iyan, iring dan dà te menge tulisan wey tekawen; iyan, is menge kerehidu ku, he ke và dà egkeg̵iya, menge etew he g̵aked ku, wazè dan mebpemineg kandan.

Juan 10:8 Kruisverwysings

Juan 10:1

Ne impenurù ni Jesus is sempità, ke sikandin te, “Utew venar is egkeg̵iyen ku he ke zuen etew he edseled te tudil te menge kerehidu ne kenà diyà ebayà te g̵emawan su ziyà ebayà te selakew en he ibayà, ne haazà he etew, tekawen wey tulisan.

Juan 10:27

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Juan 10:5

Kenè dan edsunud te selakew he etew, kekenà, ebpeleg̵uyan dan su wazè dan meleyami is lag̵eng dutun te selakew he etew.”

Nengeulaula 5:36

Su zengan duen etew he egngezanan ki Tiyudas he mibpetuu he kenà etew zà duen sikandin. Menge heepat he g̵atus he menge maama is midsundan kandin. Iyan, dutun te kegkepetaya kandin ne nekedsusuwey is menge sumusundan din ne nahanew en haazà is ed-ul-ulahan dan.