Gelasya 3:15 - Manobo Western Bukidnon

¹⁵ Menge suled, duen penenglitan he ibpesavut ku keniyu. Su ke zuen ibpenaad te sevaha he etew he insurat diyà te dukumintu he mibpirmahan din ne mibpirmahan daan te menge tistig̵us, ne kenà egkehimu he edhelinan wey ed-umanan haazà te minsan hentei su nelig-enan.

Gelasya 3:15 Kruisverwysings

Nengeulaula 1:15

Ne nekepira zutun, nengetig̵um is menge tumutuu, menge nenggatus wey keluwaan sikandan is mibpetemtempuwà dutun; ne midhitindeg si Pedro is egkag̵i te,

Ruma 1:13

Egkesuatan ku, menge suled, he metueni niw he kenà egkeawà dini te isip ku is kegkesuat ku te edhendiyan, iyan, kenè e pa g̵untaan ebpekehendiyan su zuen edsanggen kedì. Egkesuat a he edhendiyan su pinaag̵i te kebpenurù ku, kela ke zuen menge etew ziyan he ebpeketuu ki Jesus, iring te pinaag̵i te kebpenurù ku, duen menge kenà Hudiyu zaan diyà te zuma he menge inged he nemeketuu kandin.

Ruma 3:5

Ne zuen menge pilusupu he etew he egkag̵i te, “Emun ed-ulaula ki te mezaat, meupiya zaan haazà su emun egkeisip te menge etew is menge ulaula ta he mezaat, wey is menge ulaula te Megbevayà, siguradu egkesavut dan he utew mulà meupiya is menge ulaula te Megbevayà ne ebpekezalig dan te Megbevayà, ne utew haazà meupiya. Ne emun,” ke sikandan, “nehimu is meupiya tenged te mezaat he mid-ulaula ta, kenà metazeng is kedsiluti kenita te Megbevayà tenged te mid-ulaula ta he mezaat.” Ne pilusupu is menge lalag he iring kayi.

Ruma 6:19

Umba insempitè ku is egkeulaula te uripen su wey melemu niw mesavut is ibpesavut ku. Su zengan iring te mibpeuripen kew te mezaat he kebayà ne ingkesuat niw he ed-ul-ulahan te lawa niw is menge meremerik wey mezaat he ulaula he layun ed-iseg he mezaat. Iyan, guntaan kinahanglan he himuwa niw is lawa niw he metazeng he sulug̵uen te Megbevayà wey niw metuman is egkesuatan din.

1 Kurintu 15:32

Utew mezakel is kemeresayen ku zini te Ipisu su iring is menge kuntada ku te menge ebpekekaid he langgam he egkesuatan e zan te edaas. Ne maan is ed-entusen ku pa is iring kayi ke kenà a keuzemà egkevanhew. Su emun iyan haazà ne meupiya pa ke edtumanen ku haazà is erubasa he edhenduen te, “Edlipey kiw en; ed-inum kiw ne egkaan kiw su kela ke meg̵aan kiw en ebpatey ne egkehanew heini is langun.”

Gelasya 6:18

Menge suled, berakat he ikeg̵ag̵ew kew is langun te Nengazen tew he si Jesu Kristu. Iyan a si Pablo.

Hibriyuhanen 6:13

Isipa niw si Abraham. Dutun te kebpenaazi kandin te Megbevayà, is Megbevayà, ne wazà duma he ngazan he neg̵amit din te kedlig-eni zin te penaad din, kekenà, migamit din is kandin he keugelingen he ngazan su wazà lavew kandin.

Hibriyuhanen 6:16

Ne emun duen penaad te etew zà duen, iyan idlig-en din te penaad din is: duen lavew kandin he ibpepirma zin zutun te penaad din. Ne emun iyan heini ed-ul-ulahan din dutun te husayen, ebpeketuu te lalag din is ebpemineg dutun te penaad din.

Hibriyuhanen 9:17

Emun kemulu pa uuyag haazà is teg̵iazen, ne kenè pa edtumanen haazà is migkag̵i zutun te dukumintu. Iyan, emun ebpatey en, human edtumana haazà.