2 Timoteo 3:15 - Manobo Western Bukidnon

¹⁵ ne egketenuzan nu he zengan te vatè ke pa nesavut nu en is insurat he Lalag te Megbevayà. Dutun te lalag din ebpuun is kedsavut he iyan paag̵i te kedlibriya kenita te silut emun edtuu ki ki Jesu Kristu.

2 Timoteo 3:15 Kruisverwysings

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Lucas 1:15

su utew zekelà is pid-etawan din sumalà is ked-isipa kandin te Nengazen. Kenà sikandin ed-inum te vinu wey minsan hengkey he ebpekelangut. Ne puun dà dutun te kenè pa sikandin id-anak egkepurung sikandin egkeulini te Wag̵as he Mulin-ulin.

Lucas 2:40

Ne midekelà haazà is batà ne mibmezesen is lawa zin, ne utew sikandin metau he vatà ne midtuvazan sikandin te Megbevayà.

Lucas 24:27

Ne zutun midseysey ni Jesus kandan ke hengkey is langun he menge lalag te Megbevayà mehitenged kandin he insurat te langun he menge ebpemeneuven te Megbevayà igenat dà ki Moises dengan taman te huziyan he menge ebpemeneuven.

Lucas 24:32

Ne mibpelelag̵à haazà is dezuwa he etew he egkag̵i te, “Umba ves utew ta nesuati g̵eina ziyà te zalan te ebpemineg is kedseysayi zin kenita zuen te Lalag te Megbevayà.”

Lucas 24:45

Ne zutun impesavut din human kandan is langun te impemesurat he Lalag te Megbevayà.

Juan 5:47

Ne tenged kayi emun kenè kew edtuu te lalag he insurat ni Moises, kenè kew zaan edtuu te kediey he lalag.”

Nengeulaula 10:43

Netagnà si Jesu Kristu te langun he ebpemeneuven dengan te Megbevayà ne migkag̵i zan he pinaag̵i te g̵ehem te ngazan din, is langun he edsarig kandin, ebpeseyluwen din sikandan te menge mezaat he ulaula zan.”

Nengeulaula 13:29

Ne hein nengeulaula en te menge tigHiruselim kes langun he netagnà dengan he ibpeulaula zan kandin, in-awè dan is lawa zin dutun te krus he midrensangan dan kandin ne inleveng dan.

Nengeulaula 16:1

Ne midlaus ensi Pablo ziyà te menge inged he Dirbi wey Listera. Ne zuen sumusundan ni Jesus he meg̵inged dutun he egngezanan ki Timoteo. Is iney zin, ne Hudiyu he tumutuu zaan, asal is amey zin ne Gerisyahanen.

Nengeulaula 17:2

Ne zutun midsimba si Pablo zuma te menge Hudiyu su iyan betasan din. Ne kada Sebadu seled te tetelu he simana mibpekidibati sikandin te menge etew, ne impesavut din kandan is tagnà he insurat diyà te libru he Lalag te Megbevayà he is hadì he mibpilì te Megbevayà, imbanglis kandin kes kedresaya wey kes kedhimetayi kandin ne emun egkeiwas haazà ebenhawen sikandin te Megbevayà. Ne ke si Pablo te, “Heini is etew he egngezanan ki Jesus, iyan en sikan is hadì he mibpilì te Megbevayà.”

Nengeulaula 26:24

Ne te kemulu pa egkag̵i si Pablo te iring dutun, nekevensag si Pistu, ke sikandin te, “Pablo, ebuneg̵en ka! Iyan ibuneg̵a kenikew is utew subra he istudyu nu.”

Ruma 16:26

Ne haazà is tuluuwen he in-eles dengan, impezayag en te Megbevayà pinaag̵i te menge surat dengan te menge ebpeneuven din. Ne g̵eina te iyan sug̵ù te wazè din kemetayen he Megbevayà, idsangyew en heini is tuluuwen diyà te menge etew ziyà te minsan hendei su wey meketuu is langun ne ebpeketuman te menge sug̵ù din.

Ruma 2:27

Ne minsan ke kenà Hudiyu sikandin, pinaag̵i te kedtumana zin te kesug̵uan, igkepeehè din he edsilutan kew is menge Hudiyu te Megbevayà su edsupak kew mulà te kesug̵uan. Ne iyan kew pezem kes mibilvilinan te kesug̵uan ne iyan kew nesirkunsidar!

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

Ipisu 6:4

Ne sikiyu is menge g̵inikanan, kinahanglan he kenà igkepauk te menge anak niw is paag̵i niw te kebpenurù kandan, kekenà, ipenurù niw kandan is menge ulaula he zait te menge tumutuu, ne iyan niw isambag kandan is sambag he ebpuun te Nengazen tew.

1 Timoteo 4:13

Taman te kenè e pa ebpekeuma ziyan, iyan beeli nu is: besaha nu is Lalag te Megbevayà diyà te menge etew. Sembag̵i nu wey penurua nu sikandan.

2 Timoteo 1:1

Sikew, Timoteo he iring te anak ku su utew ku minahal, ebpesuratan ku sikew. Iyan a si Pablo he epustul ni Jesu Kristu, he ke và dà egkeg̵iya, sulug̵uen e zin. Midsug̵ù a te Megbevayà wey ku ipenudtul is untung he wazà pidtemanan. Iyan heini sikan is impenaad din he untung he nekuwa te en pinaag̵i te kebpekidsevaha ta ki Jesu Kristu. Berakat he ikeg̵ag̵ew ka wey kehizuwi ka te Amey tew he Megbevayà wey te Nengazen tew he si Jesu Kristu wey veg̵ayi ke zan te melinawen he kebpekesavuk.

2 Timoteo 1:5

Kenè ku egkelipatan he utew meheg̵et is kedtuu nu he iring te meheg̵et daan is kedtuu te apù nu he si Luwida wey is iney nu he si Eunisi. Ne netuenan ku he utew hustu zaan is kenikew he kedtuu.

2 Pedro 3:16

Ibpenurù din layun is andew te kedlimas diyà te langun he menge surat din. Duen daan ibpenurù ni Pablo he mereg̵en he edsevuten ne is menge etew he kenà edsavut te hustu wey wazà meheg̵et is kedtuu zan, edhelinen dan haazà is memereg̵en ne nesayep is kedseysaya zan duen iring te nesayep daan is kedseysaya zan te zuma he insurat he Lalag te Megbevayà. Ne tenged dutun edsilutan sikandan te Megbevayà.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.