2 Timoteo 2:8 - Manobo Western Bukidnon

⁸ Kenè nu lipati he si Jesu Kristu, mibpeetew he kevuwazan ni Hadì David ne mibpehimatey ne nevanhew. Iyan heini ibpesavut ku emun ebpenudtul a te Meupiya he Tudtulanen.

2 Timoteo 2:8 Kruisverwysings

Mateo 1:1

Iyan heini kes gug̵ud te kepuun ni Jesu Kristu. Kevuwazan si Jesu Kristu ni Hadì David dengan. Ne si David, kevuwazan ni Abraham.

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Nengeulaula 13:23

Na,” ke si Pablo, “si Jesus, is sevaha he kevuwazan ni Hadì David, iyan impenaad te Megbevayà he edlibri kenitew te kevuwazan ni Israyil wey kiw kenà mesiluti.

Nengeulaula 2:24

Iyan, midlibri si Jesus te Megbevayà ne mibanhew zin su kenà egkehimu he egkevakus si Jesus te kemetayen.

Nengeulaula 2:30

Ne si David, geina te mibpenaub te Megbevayà, nesavut din ke hengkey is impenaad kandin te Megbevayà su si David, iyan penaad kandin te Megbevayà is: keuzemà duen kevuwazan din he egkehimu he hadì he iring kandin.

Ruma 16:25

Edelig̵en tew is Megbevayà! Pinaag̵i te Meupiya he Tudtulanen he ibpenudtul ku he iyan is mehitenged ki Jesu Kristu, wey pinaag̵i te tuluuwen he neug̵et he timpu is ked-elesa zuen te Megbevayà, egkehimu he edheg̵eten din is kedtuu niw.

Ruma 2:16

Ne kenà heini egkelipatan te Megbevayà keuzemà te andew he zutun pinaag̵i ki Jesu Kristu edsusiyen din is minsan in-eles he menge isip te langun he menge etew. Iyan heini ibpenurù pinaag̵i kayi te Meupiya he Tudtulanen he idsangyew ku.

1 Kurintu 15:1

Ne g̵untaan, menge suled ku te kedtuu, ed-umanan ku sikiyu te ebpenurù mehitenged te Meupiya he Tudtulanen he impesavut ku zengan keniyu, ne midtuuwan niw ne midhemenan niw.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.

2 Tiselunika 2:14

Midhimu kew zin he menge tumutuu kandin pinaag̵i te kebpesevuta zey keniyu te Meupiya he Tudtulanen su wey kew mekeambit te utew kegkelavew te Nengazen tew he si Jesu Kristu.

1 Timoteo 1:11

Ne heini is hustu he tuluuwen, ne ebpuun te Meupiya he Tudtulanen mehitenged te utew zekelà he g̵ehem te Megbevayà. Is Megbevayà he iyan dait he edelig̵en, insarig din kedì heini is tudtulanen wey ku mesangyew.

1 Timoteo 2:7

Ne tenged kayi intezù e zin he epustul ne midsug̵ù e zin wey ku ipenurù heini. Kenà tarù heini is egkeg̵iyen ku, kekenà, tutuu. Midtezù e zin wey ku mepenurù is menge etew he kenà Hudiyu su wey zan meketuu te tutuu he tuluuwen.

2 Timoteo 1:8

Ne tenged dutun kenè nu ikeeled is kebpenurù nu mehitenged te Nengazen tew ne kenà a zaan kenikew ikeeled is gaked din wey nepirisu tenged te kedsengyawa kandin, kekenà, pinaag̵i te g̵ehem te Megbevayà he idtavang kenikew, ambit ka zaan kayi te ked-entusa ku te kemeresayan tenged te kedsengyawa te Meupiya he Tudtulanen.

2 Timoteo 2:7

Isipa nu heini is impesavut ku kenikew ne edtevangan ka te Nengazen wey nu mepurung heini mesavut.

Impezayag 5:5

Ne zutun migkeg̵iyan a te sevaha zutun te menge meg̵urang. Ke sikandin te, “Kenè ka sineg̵ew su si Jesus, sikan is migeraran he erimaung he kevuwazan ni Huda wey kevuwazan ni Hadì David, iyan sikandin nekezaag ki Setanas, umba zuen din ketenged te ked-abri te velesahan wey te ked-ewaa te pitu he menge tiyap dutun.”