2 Timoteo 2:18 - Manobo Western Bukidnon

¹⁸ Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

2 Timoteo 2:18 Kruisverwysings

Mateo 15:13

Ne midtavak si Jesus te, “Ebezuten is minsan hengkey he pinemula he wazà ipemula te Amey ku he Megbevayà.

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Lucas 8:13

Ne haazà is benì he ziyà mengeulug te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg ne edtuuwan dan. Iyan, kenà egkeheg̵et is kedtuu zan ne kenè en utew egkeug̵et dutun emun egezaman ni Setanas is kedtuu zan, ne edlikù dan diyà te zaan he ulaula zan.

Nengeulaula 5:39

Iyan, ke ziyà ebpuun te Megbevayà, ne kenè tew egkezaag. Ne kenà dutun dà taman su egkekuntada tew is Megbevayà!” ke si Gemelil. Ne zutun mibpezumdumahan haazà te menge punuan is sambag ni Gemelil,

1 Kurintu 11:19

Kinahanglan buwa he iyan heini egkehitavù keniyu ziyan su wey metueni ke hentei keniyu is egkeserig̵an te Megbevayà.

1 Kurintu 15:12

Ne iyan impenurù dey keniyu is: nevanhew si Kristu. Ne tenged kayi, maan is egkeg̵iyen te zuma keniyu he kenà egkengevanhew keuzemà is menge minatey?

Kulusas 3:1

Ne, menge suled, nevanhew si Kristu ne iring te nevanhew kiw zaan duma kandin su zuen tew en untung he wazè din pidtemanan. Ne tenged kayi, kinahanglan he ebpurungan ta layun ed-isipa is ibpeisip-isip kenita te Megbevayà diyà te langit he zutun edhadì si Kristu he ebpinuu ziyà te zapit te egkekewanan te Megbevayà.

1 Timoteo 1:19

Iyan gumaan nu is kedtuu nu te tutuu he tuluuwen wey is kedtumana nu te langun he netuenan nu he hustu. Duen menge etew he wazè dan tumana is netuenan dan he hustu ne tenged kayi nezeetan en is kedtuu zan te Megbevayà.

1 Timoteo 6:10

Su ke zuen etew he susuaten te selapì ne egkehimu he egkeulaula kandin is minsan hengkey he mezaat. Pinaag̵i kayi neiniyug̵an te zuma is tuluuwen tew ne tenged kayi nehimu he utew mezakel is menge keseengan dan.

1 Timoteo 6:21

Duen duma he menge etew he nekekuwa en kun kayi te ketau, iyan, pinaag̵i kayi neengkezan dan en is tutuu he tuluuwen he midtuuwan tew. Berakat he ikeg̵ag̵ew kew is langun te Megbevayà.

2 Timoteo 2:14

Keg̵iyi nu is menge tumutuu he kenè dan melipati heini is langun. Iyan nu itelaan kandan he ibpetistig̵us is Megbevayà he likayi zan is kebpekidlawan he winalì mehitenged te kehulug̵an te menge lalag su wazè din pulus ne ebpekezezaat te kedtuu te ebpekezineg duen.

Tito 1:11

Kinahanglan he ibpeengkezan nu kandan is kebpenurù dan su ke zuen sevaha he egketazin is isip din pinaag̵i te kedtuuwi zin kayi he penurù egkesemukan is kebpekid-upakat din te menge zuma zin dutun te pemilya zin. Iyan dà ibpenurua zan dutun te kenà hustu he ibpenurù is wey zan mekepenapì.

Hibriyuhanen 3:10

Umba, utew a zutun nepauk kandan, ne ke siak te, ‘Layun egkesayep is ed-isipen dan ne kenè dan egkesuat he edtuman te menge sug̵ù ku.’

Santiago 5:19

Menge suled, ke zuen sevaha keniyu he egkesuwey zin wey egkelipatan din is tutuu he tuluuwen ne zuen ebpeketavang kandin wey mekelikù,

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.