2 Kurintu 2:4 - Manobo Western Bukidnon

⁴ Dutun te kebpeuwiti ku keniyu te surat, utew ad neseeng. Mibmesakit is gehinawa ku ne mibpenig̵is is luhè ku. Iyan, kenè ku pezem dutun tuyù is wey kew meseeng, kekenà, egkesuatan ku he metueni niw he utew kew mahal zini te g̵ehinawa ku.

2 Kurintu 2:4 Kruisverwysings

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

2 Kurintu 2:9

Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 7:12

Kenà iyan dà impesurati ku keniyu is mehitenged duen te etew he nekesalà wey kes neselaan din, kekenà, ebpeketistig̵us is Megbevayà he umba mibpesuratan ku sikiyu su wey niw meisipisip ke sengemenu key kemahal diyan te g̵ehinawa niw.

Pilipus 3:18

Dengan ku zà heini layun egkeg̵iya, iyan, guntaan ed-umanan ku egkeg̵iya zuma is menge luhè ku he ebpenig̵is, tenged te mezakel he menge etew he egkeg̵iyen dan he sakup sikandan ni Kristu, iyan, egketuusan pinaag̵i te ulaula zan he kuntada sikandan te kebpesevuta mehitenged te kebpehimatey ni Kristu ziyà te krus.