2 Kurintu 1:7 - Manobo Western Bukidnon

⁷ Umba kenà duwazuwa is kedsarig dey keniyu su netuenan dey he emun ed-entusen niw is merasey he iring te naantus dey zaan, ne iring din ded daan, edtevangan kew te Megbevayà iring te edtevangan key zin daan.

2 Kurintu 1:7 Kruisverwysings

Mateo 23:30

Ne egkag̵i kew te, ‘Angin ke neetew kiw en dutun te timpu te menge kepuun tew he mibpenhimetayan dan sikan is ebpemeneuven dengan te Megbevayà su kenè kiw mulà dutun edtampu te mibeelan dan.’

1 Kurintu 10:13

Is minsan hengkey he ibpenuley kenita ni Setanas, ne kenà beg̵u su layun din en ibpenuley te menusiyà is iring dutun. Iyan, egkeserig̵an ta is Megbevayà su kenè din idtug̵ut he ebpenulayan ki te subra te egkeantus ta. Layun din ibeg̵ey kenitew is kelig-en su wey zuen paag̵i te kedlikayi ta he kenè ki mekeulaula te mezaat.

2 Kurintu 1:14

haazà is wazè niw pa maamin mesavut mehitenged te ed-ul-ulahan dey su wey zutun te andew te kedlikù te Nengazen tew he si Jesus, mehimu he igkelipey key keniyu iring te igkelipey zey zaan sikiyu.

2 Kurintu 12:20

Egkesamuk is gehinawa ku su kela ke zutun te kebpekeuma ku ziyan ne iyan ku egkeahà diyan te keniyu is menge ulaula he kenè ku egkesuatan. Ne emun iyan haazà ne zuen ed-ul-ulahan ku zutun he kenè niw zaan egkesuatan su kinahanglan he edsewayen ku is keniyu he ulaula. Su kela ke zuen ebpekigkuntada ziyan te menge zuma zin, kela ke zuen egkesina, duen petuluy egkepauk, wey leg̵ezen, kela ke zuen diyan ebpenemperasà wey edsulà te zuma zin, kela ke zuen bereituk. Kela ke zuen diyan te keniyu gelbuwen, wey kela ke wazè niw kebpekid-uyun te menge tumutuu.

2 Kurintu 7:9

Ne g̵untaan nelipey ad, kenà tenged te neseeng kew, kekenà, tenged te mibpurungan niw is menge ulaula niw pinaag̵i zutun te kegkeseeng niw. Ne haazà is kegkeseeng niw, himan te Megbevayà umba inmeupiya niw haazà is surat dey.

2 Timoteo 2:12

Ke ed-antus ki te kemeresayan ebpekehadì ki keuzemà duma kandin. Iyan, ke egkag̵i ki he kenè ki g̵aked din egkag̵i zaan sikandin keuzemà he kenè ki iyan gaked din.

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.