1 Timoteo 6:1 - Manobo Western Bukidnon

¹ Is menge sulug̵uen he tumutuu, kinahanglan he isipa zan is menge egalen dan he zait he edtehuzen dan te minsan keenu he timpu. Su pinaag̵i kayi wazà ebpekezezaat te zengeg te Megbevayà wey wazà ebpekesudì te kebpenurù dey.

1 Timoteo 6:1 Kruisverwysings

Mateo 11:30

Is kedì he idsug̵ù keniyu, melemu; ne kenà mereg̵en is ebpeveelan ku keniyu.”

Mateo 11:9

Ne hengkey is inhilesunga niw? Ed-ehè kew ve te etew he ebpeneuven te Megbevayà? Iyan haazà tutuu he ed-ahaan niw su ebpeneuven iyan si Juan. Iyan, kenà te ebpeneuven dà

Lucas 17:1

Ne zuen migkag̵i ni Jesus diyà te menge sumusundan din, ke sikandin te, “Kenà egkehimu he wazà igkeawà te kedsarig te etew kedì, iyan kehizu utew te etew he pinaag̵i kandin egkeawà is kedsarig te minsan hentei he midtuu kedì, su utew meveg̵at is silut kandin te Megbevayà.

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 10:7

Ne zutun mid-awà haazà is belinsug̵uen te Megbevayà. Ne segugunà midtawag ni Cornelio is dezuwa he menge sulug̵uen din wey is sundaru he sevaha zutun te menge sinerig̵an din. Ne heini he sundaru, ed-azap daan te Megbevayà.

Nengeulaula 15:10

Ne maan is egezamen niw is pauk te Megbevayà? Maan is ibpetuman niw te menge zuma tew he sumusundan ni Jesus is menge imbilinbilin he kesug̵uan he utew mereg̵en, he sikitew wey is ginikanan tew, wazà daan meketuman.

Ruma 2:24

Ne mehitenged kayi, duen impesurat dengan te Megbevayà he edhenduen te, “Tenged keniyu te menge Hudiyu, is menge etew he kenà Hudiyu, edsumpeliten dan is Megbevayà.” Iyan haazà impesurat dengan.

1 Kurintu 10:32

Tenged kayi, kinahanglan he wazà minsan hengkey he ulaula niw he ibmesakit te g̵ehinawa te minsan hentei he etew, Hudiyu se kenà Hudiyu wey menge zuma niw he tumutuu te Megbevayà.

Gelasya 5:1

Pinaag̵i te kebelukasi kenitew ni Kristu, nelibri kiw en te kedtumana te kesug̵uan. Umba, kinahanglan he edsukul kiw is mibelukasan su wey kenè kiw en maan meuripen.

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

Tito 2:5

ne wey zan daan ikepenurù kandan is ked-isip te hustu, is kedlikayi te meremerik he ulaula, wey is kebpurungi zan te menge vaal zan. Kinahanglan he ebpemineg̵en dan is sug̵ù te esawa zan. Ne emun iring dutun is menge ulaula te menge vahi wazà minsan hentei he ebpekekag̵i he mezaat is ibpenurù ta zutun te Lalag te Megbevayà.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 3:16

Mebmetinehuzen kew is edtavak wey menayù is kegkag̵i niw. Kinahanglan he wazà salà he netag̵ù diyà te g̵ehinawa niw te menge sumusundan ni Kristu su emun wazà ulaula niw he mezaat egkeeled is edsudì keniyu tenged te egkeg̵iyen dan.