1 Timoteo 5:21 - Manobo Western Bukidnon

²¹ Edteleenan ku sikew he purungi nu tumana heini is insug̵ù ku kenikew. Iyan ebpeketistig̵us kayi is Megbevayà, si Jesu Kristu, wey is menge pinilì din he velinsug̵uen. Kinahanglan he te minsan hengkey he ed-ul-ulahan nu wazè nu zepig̵i he minsan hentei. Ke edhusey ka kinahanglan he iyan nu pemineg̵a kes ebpekevenar.

1 Timoteo 5:21 Kruisverwysings

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Lucas 20:21

Ne haazà is menge etew he ibpepeniid ki Jesus, migkag̵i zan diyà te kandin te, “He Zatù, netuenan dey he wazè nu ibpelavi he minsan hentei he etew ne tutuu is egkeg̵iyen nu wey hustu is kebpenurù nu te ebpeveelan kenitew te Megbevayà.

Lucas 9:26

Is minsan hentei he igkeeled e zin wey igkeeled din is ibpenurù ku, siak is Kakey te Menusiyà, igkeeled ku zaan sikandin keuzemà ke edlikù a he zekelà is gehem te ked-anlag ku wey edsun-uzan ad te mekeg̵eg̵ehem he anlag te Amey ku he Megbevayà wey te anlag te menge velinsug̵uen te Megbevayà.

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.

1 Tiselunika 5:27

Ibeg̵ey ku keniyu is sug̵ù te Megbevayà he vesaha niw heini is surat diyà te langun he menge suled tew ziyan.

1 Timoteo 6:13

Ebpeketistig̵us is Megbevayà wey si Jesu Kristu he ebpeketelteleenan ku sikew he purungi nu tumana he wazà sayep is insug̵ù ku kenikew taman te kenè pa edlikù is Nengazen tew he si Jesu Kristu. Is Megbevayà, iyan ebpengelintau he meuyag is langun he menge linimbag din; ne si Jesus, iyan nekepenistig̵us mehitenged te tutuu he tuluuwen diyà te etuvangan ni Punsyu Pilatu.

2 Timoteo 2:14

Keg̵iyi nu is menge tumutuu he kenè dan melipati heini is langun. Iyan nu itelaan kandan he ibpetistig̵us is Megbevayà he likayi zan is kebpekidlawan he winalì mehitenged te kehulug̵an te menge lalag su wazè din pulus ne ebpekezezaat te kedtuu te ebpekezineg duen.

2 Timoteo 4:1

Duen idtelaan ku kenikew, ne is Megbevayà wey si Jesu Kristu, iyan ebpeketistig̵us kayi te menge lalag ku. Netuenan ta he edlikù si Jesus su iyan sikandin hadì ne iyan sikandin edsusi keuzemà te nengeulaula te minsan hentei, se uuyag pa wey is nemematey en.

Santiago 3:17

Is etew he ziyà ebpuun te Megbevayà is ketau zin, wazà igkesewayi kandin. Melinew is kedepitè din te zuma he etew, ebpurungan din is menge zuma zin; kenà sikandin mevurut, kekenà, mepezumdumahan. Hihizuwen wey metulanged sikandin; wazè din ibpelavi he minsan hentei ne kenà uvag dà is kedtuu zin.

2 Pedro 2:4

Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.

Hudas 1:6

Isipa niw zaan is menge velinsug̵uen din dengan diyà te langit. Mid-engkezan dan is ketengdanan he imbeg̵ey zin kandan ne mid-ewaan dan is hustu he ed-ubpaan dan. Tenged dutun mibpirisu zin sikandan diyà te utew merusirem. Mibakus din te kedina he kenà egkezeetan te wazà pidtemanan su idtag̵ad sikandan taman te kenè pa egkeuma is andew keuzemà te kedsiluti zin kandan.

Impezayag 14:10

ne ibpeinum kandin is binu te pauk te Megbevayà, he ke và dà egkeg̵iya, silut kandin te Megbevayà, ne heini is mepait he vinu, midtag̵ey en te Megbevayà diyà te tasa he iyan sikan is meinit he pauk din. Ne haazà is menge etew, edresayen sikandan diyà te meregreg he esupri ziyà te Impirnu. Ne egkeahà haazà dutun te nati he kerehidu wey te menge velinsug̵uen te Megbevayà.