1 Timoteo 3:11 - Manobo Western Bukidnon

¹¹ Iring din ded daan is bahi he esawa te diyekunu su kinahanglan he telehuzen sikandin. Kenà menge vereituk, kekenà, egketengkaan is ked-isipa zin te langun wey egkengeserig̵an te minsan hengkey he meupiya he ulaula.

1 Timoteo 3:11 Kruisverwysings

Mateo 4:1

Ne zutun mid-ag̵ak si Jesus te Wag̵as he Mulin-ulin pehendiyà te tanà he wazà duen ed-ubpà he etew wey sikandin meg̵ezami ni Setanas.

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Ruma 1:29

Iyan dà egkeisip dan is kelelalung wey is mezaat he ulaula. Leg̵ezen dan ne meremerik is ulaula zan. Egkesina sikandan; ebpemumunù dan; ebpeeg-eg̵etè dan; edtarùtarù dan; ne ebpesipelahan dan is menge zuma zan. Ed-ituk dan,

1 Timoteo 1:12

Ebpeselematan ku is Nengazen tew he si Jesu Kristu su mibeg̵ayan e zin te zesen wey ku metuman heini is ebpeveelan din kedì. Mid-isip e zin he metinumanen ne tenged kayi intezù e zin he sulug̵uen din.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

2 Timoteo 3:3

Kenè dan ebmahalen is menge zuma zan; kenà egkeawà is pauk dan. Bereituk sikandan; kenè dan egkeeg̵en is menge mezaat he kebayà te lawa zan. Utew zan mevurut ne wazà minsan hengkey he meupiya he ulaula he kenè dan egkeepesan.

2 Timoteo 4:5

Iyan, sikew mulà, tengkai nu is ed-ul-ulahan nu te minsan keenu he timpu. Entusa nu is kemereg̵enan. Peniguduwi nu te edsangyew is Meupiya he Tudtulanen. Purungi nu tumana is langun he ebpeveelan kenikew te Megbevayà.

Tito 2:3

Ne iring ded daan dutun is penurù nu ziyà te menge meg̵urang en he vahi. Kinahanglan he layun igkesuat te Megbevayà is menge ulaula zan. Kenà sikandan pereituk, kenà sikandan pereinum te vinu. Kinahanglan he layun dan ipenurù is meupiya he ulaula

Tito 3:2

Keg̵iya nu kandan he kenè dan med-ituk te minsan hentei, kekenà, melinawen is kedepitè dan te langun, mebpekid-emig̵u zan te langun, wey kenè dan mepelevawen.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.