1 Pedro 4:17 - Manobo Western Bukidnon

¹⁷ Iyan heini, menge suled, timpu he pinaag̵i te merasey he egkeulaula ebpuunan te Megbevayà is kedsusiya zin te menge ulaula te menusiyà. Edhunaan din edsusiya is menge sakup din. Ne emun iyan kiw zin is menge tumutuu edhunaan din, utew pa merasey is egketemanan te menge etew he kenà ebpemineg te Meupiya he Tudtulanen he impesavut kandan te Megbevayà.

1 Pedro 4:17 Kruisverwysings

Lucas 23:31

Su,” ke si Jesus diyà te kandan te, “emun iyan heini ed-ul-ulahan dan kedì te iring te kayu he wazà meg̵angu su wazà mulà kedì he salà, ne edhuna pa kayi is ed-ul-ulahan dan keniyu te iring te kayu he neg̵angu en.”

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

Ruma 2:9

Su is langun he menge etew he ed-ulaula te mezaat, lavew en is Hudiyu pehendiyà te kenà Hudiyu, kemeresayan wey kegkeseeng is idsilut kandan.

Gelasya 3:1

Sikiyu is menge tigGelasya, henduen be te kenè kew metau he ed-isip-isip! Utew a egkeinuinu keniyu! Maan is ebpemineg̵en niw is menge etew he ebpetuman keniyu te kesug̵uan he imbilinbilin ni Moises? Utew keladu is kebpenurua ku keniyu te nehimu ni Jesu Kristu kenitew pinaag̵i te kebpatey zin diyà te krus.

Gelasya 5:7

Mibpurungan niw zengan te ed-ikul is hustu he ibayà. Maan is idtug̵ut niw he zuen ed-eg̵en keniyu wey niw kenè en metuuwi is tutuu he tuluuwen?

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

2 Tiselunika 1:8

Dutun, edsilutan din sikandan is wazà medtetenged te Megbevayà wey wazà mebpemineg te Meupiya he Tudtulanen te keag̵i te Nengazen tew he si Jesus.

1 Timoteo 3:15

Umba ebpesuratan ku sikew su kela ke mesanggen a. Ne emun egkesanggen a egketuenan nu g̵ihapun ke hengkey is hustu he ed-ul-ulahan he zait tew te menge anak te Megbevayà. Iyan kiw iglisya, he ke và dà egkeg̵iya, menge tumutuu te wazè din kemetayen he Megbevayà. Iyan kiw kes menge tukud wey vangel he zutun mekesavuk is tutuu he tuluuwen.

Hibriyuhanen 11:8

Ne si Abraham daan, duen kandin he kedtuu. Su neketuu sikandin te Lalag te Megbevayà he ewai zin is inged din ne medhendiyà te selakew en he tanà he impenaad te Megbevayà he ibeg̵ey ziyà te kandin wey ziyà te menge kevuwazan din. Ne zutun mid-ewaan din is kandin he inged minsan pa te wazè din hanew zutun te tanà he impenaad kandin.

Hibriyuhanen 2:2

Su is kesug̵uan he imbeg̵ey zengan te Megbevayà pinaag̵i te menge velinsug̵uen din, netuenan tew he is minsan hentei he nekesupak kayi, midsilutan te Megbevayà sumalà is supak din.

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

1 Pedro 2:5

Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.