1 Kurintu 5:6 - Manobo Western Bukidnon

⁶ Maan is ebpegalbu kew? Netuenan niw is erubasa he edhenduen te, “Minsan ke zuen deisek dà he tapey ne egketepayan din is sengebisin en he erina he ebeelan he supas.”

1 Kurintu 5:6 Kruisverwysings

Mateo 13:33

Ne impenurù ni Jesus kandan is selakew pa maan he sempità. Ke sikandin te, “Is kebmezakel te edhedian te Megbevayà, ne iring daan te tapey. Su ke zuen bahi he ebaal te supas egkuwaan din is tapey ne idsahug din te sengebisin he erina. Ne edtulin haazà is erina,” ke si Jesus.

Lucas 13:21

Is kebmezakel zan te edhedian te Megbevayà, ne iring daan te tapey. Su ke zuen bahi he ebaal te supas, egkuwaan din haazà is tapey ne idsahug din te sengebisin he erina. Ne ed-ensak haazà is tapey zutun te erina ne edtulin haazà is erina.”

Ruma 6:16

Su netuenan niw he ke ebpesakup ki te minsan hentei su wey ki zin meveyveyai, egkehimu ki en he iring te uripen din. Ne iring din ded daan is etew he ebpilien din he iring te egalen din is mezaat he kebayè din. Ne idsilut kandin is kemetayen he wazè din pidtemanan. Ne is etew mulà he ebpesakup te Megbevayà ne ed-isipen te Megbevayà he metazeng sikandin.

1 Kurintu 15:33

Iyan, kenè niw itug̵ut he meketuu kew te iring kayi su tarù. Tutuu iyan is erubasa he egkag̵i te, “Emun ebpekiduma ka te etew he mezaat is ulaula zin ne egkeiringan nu is ulaula zin wey ked-isip din.”

1 Kurintu 3:21

Umba, kinahanglan he wazà medantal te minsan sevaha keniyu he egkag̵i te sakup sikandin te sengeetew. Su sikami is langun he ebpenurù, imbeg̵ey key te Megbevayà keniyu su wey kew mezeyzey.

1 Kurintu 5:2

Ne minsan pa zutun kemulu kew pa ebpegalbu. Kunaan niw vuwa ke utew meupiya is ulaula niw! Deyzey pezem ke egkeseeng kew. Kinahanglan pezem he wazè niw tug̵uti heeyan is maama he mebpekiduma keniyu.

Gelasya 5:9

Haazà is tarù he tuluuwen he impenurù keniyu, ne iring te tapey emun ebaal ki te supas su minsan deisek dà is id-amut dutun te zekelà he midhames he erina, egketepayan gihapun is tivuuk he supas.

2 Timoteo 2:17

Is menge etew he iring kayi is kebpenurù dan, ne iring te it-it is penurù dan su ebpekeeneb ne ebpekezezaat. Is kebpenurù ni Himinyu wey ni Pilitu, ne iring kayi.

Santiago 4:16

Iyan, sikiyu mulà, memepedelig̵en su idantal niw is ed-ul-ulahan niw, ne mezaat is iring dutun.