Zefaniya 2:1 - Amazwi Yakwe Leza 2013

¹ Mwe antu amu luko ulusi na nsonyi, si elenganyini ningo nga muzenzuke

Zefaniya 2:1 Kruisverwysings

2 Milandu 20:4

Antu yonsi pyu aku misumba yaku Yuda iyakongana kuti yalenge uwazwilizyo kuli Yawe, yonsi afumile ku misumba yonsi yamu Yuda yiza ku kulenga uwazwilizyo kuli Yawe.

Neemiya 8:1

Umu mwezi uwalenga cinimbali aina Izlaeli yonsi pyu iyakongana pamwi kwati akwe nyina wenga, apa nkolelo ya mpongolo iyamwangwa ukuti Mpongolo ya Manzi, uku Yelusalemu. Nga alino iyuzya Ezila nga kalemba na simapepo, kuti alete ulupapulo lwa masunde yakwe Mose yano Yawe wapile aina Izlaeli.

Neemiya 9:1

Apa wanda uwalenga amakumi yaili na yani uwa mwezi kwene uwa, aina Izlaeli yonsi pyu yakongana uku kuifuntusya ku lunkumbwa lwa kulya icilyo. Lilyo ala yazwite ivisamu nga ala yatiyaiswela ni twi ku mitwe.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”