Zefaniya 1:4 - Amazwi Yakwe Leza 2013

⁴ “Ndakonzolola ikasa lyane kuti mvunuke antu amu Yuda na onsi aikala mu Yelusalemu. Ndonona vyasyala vyonsi vyakwe Baali apa ncende ii. Kusi nanti umwi wino aliusya yasimapepo yano yakamutumikila.

Zefaniya 1:4 Kruisverwysings

2 Yamwene 21:13

Ndapezya aina Yelusalemu wakwe vino cali ku ina Samaliya lino nafulwile Aabu na ana yakwe. Ndalovya aikazi amu Yelusalemu yonsi pyu. Umu Yelusalemu mulakola imbale ino antu yafula umukasi, alino yawela yaikupika nu kuikupika.

2 Yamwene 23:12

Utuvuwa tuno yamwene aku Yuda yakuuzile apapela yi sano lya mwene Aazi, Yosiya wene watutamozile. Atamola kumwi na vino Manase wakuuzile, umu misolo yoili kwene yaku Ng'anda ikulu yakwe Yawe. Atamola utuvuwa nga aya asumbila iviunguluwe uku Cifoloma ca Kiduloni.

2 Milandu 34:4

Apela ilamulo ku antu yakwe nga nayo iyatamola tuvuwa twakwe tuleza Tubaali. Aonona nu tuvuwa twakocelapo ubani utwali lwa papela ya tuvuwa tutu twakwe Tubaali, nga asyunola na maunkolanya yakwe Asyela, kumwi nu tuluwi tuze tonsi utwasyala. Ali pakutoola ulukungu lwaviko, nga yalunyungulula nu kuya lunyunya pa ntumba zya antu yano yapeelanga impolelwa kunotuli.

Kufuma 15:12

Wemo wakonzolwile ikasa lyako lilunji, nga insi imila anisi yako.

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 6:12

“Amang'anda yao yalapokwa ku antu yauze, kumwi ni vyalo vyao na aci yao. Pano ndazunzula ikasa lyane pa kuvunuka aikazi ya mpanga iyo.

Ezekelo 25:7

acino nani lyene ndakusumba ku antu ya mitundu yuze, uleke yakakusampe vyonsi. Ndamulovya sile mwensi, pakuti umutundu winu ukalowe, mutakaikwatile impanga nupya. Ee, alino lyene mulasininkizya ukuti nene indi Yawe.”

Ezekelo 6:14

Endi, cacumi nemo ndayatitikizya, ndonona ni mpanga yao. Ndaisangula ulwanga, ukutandikila sile ku lwanga lwaku kayeya ukuyafika nu ku musumba wa Dibula, mupipi nu ku kayeya. Ntalasya nanti ponga pano aina Izlaeli yikala. Lyene yalamanya ukuti nene indi Yawe.”

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Mika 5:13

Ndonona amaunkolanya inu yonsi kumwi ni vipilala vya mawe vino mukapepela penepo mu mpanga inu. Mutalatala mufukamile vintu vivyo nupya, vino mwapanzile na makasa inu.

Zefaniya 2:11

Yawe alayoofya wakwe cimwi. Wene alonona tuleza twa mpanga ilya. Mitundu yonsi ya antu ilapepa Yawe, cila mutundu ulamupepa mu mpanga yakweo.

Zefaniya 2:13

Yawe alaomvya amaka yakwe ku katutu nu konona impanga ya Asilya. Umusumba wa Ninive alaucita wa citalang'anda nupya ulaya uumalale wa lwanga.