Zefaniya 1:10 - Amazwi Yakwe Leza 2013

¹⁰ Yawe wavwanga wati, “Apa wanda ulya muluvwa inkuuta uku Mpongolo ya Nswi iyamu Yelusalemu, muluvwa impoma ikufuma kwi pamba lipya ilya musumba, muluvwa ni ntinti zikalamba ukufuma mu twamba.

Zefaniya 1:10 Kruisverwysings

2 Samueli 5:7

(Lelo Davidi apokolola umusumba wao wi linga uwa Zioni, umusumba nga iyawama ukuti “Umusumba wakwe Davidi.”)

2 Samueli 5:9

Pacisila cakupokolola umusumba wi linga, Davidi aikala mwenemo nu kuutemela izina ati, “Umusumba wakwe Davidi.” Aukuulilila ukuzinguluka, ukutandikila sile ku Milo mpaka nu kwingila umukasi.

2 Yamwene 22:14

Alino simapepo Hilikiya pamwi na Aiikamu, Akiboli, Syafani na Asaiya iyaya yuzya Hulida, kasema wilya umwanaci, uwali umuci wakwe Syalumu umwana wakwe Tikiva, umwana umonsi wakwe Haliasi. Syalumu kwene wali ali kasunga wa vyakuzwala vyakwe yasimapepo ivyali umu Ng'anda ikulu yakwe Yawe. Antu yayo fwandi ali pakulandila Hulida umulandu. Umwanaci wi wikalanga umu Yelusalemu, mwi pamba lyakwe ciili.

2 Milandu 3:1

Lyene Solomoni atandika ku kuula Ng'anda ikulu yakwe Yawe apa Mwamba wa Moliya uku Yelusalemu, papa kwene pano Yawe walolekile umwene Davidi isi wakwe Solomoni. Davidi wateinye incende iyo mpiti. Ali ncende kwene apayelile ulwano lwa kupuulila lwakwe Alauna umwina Yebusi.

2 Milandu 32:22

Umu musango uo tungati Yawe watuuzile Hezekiya na antu amu Yelusalemu uku maka yakwe Senakelibu umwene waku Asilya. Alino tungati wayatuuzile nu ku anisi yao yauze. Waleka antu kuti lyene yaikala umu longo na antu yauze yano yapalamana nayo.

2 Milandu 33:14

Pacisila cakwe vivyo Manase wakuululwile iliinga ukuluta vino walilunzile umu ciimo lwaku ufumondaka wa Musumba wakwe Davidi. Ukutandikila lwamu mukonko pipi na kafukoka ka ku Giooni ukulungama kwi kasa limani ukufika ku mpongolo iyamwangwa ukuti Mpongolo ya Nswi, alino ni ncende yamu musumba ikaamwa ukuti Ofeli. Wisile na kangalila, umusilika wa kulolekesya pa mpuka muli cila musumba uwamu Yuda monsi.

2 Milandu 34:22

Hilikiya na antu yano umwene Yosiya watumile ali pakukatuka nu kuya uzya kasema umwanaci, wino izina lyakwe a Hulida, uwikalanga mu Yelusalemu, umu citente icipya. Iya wali a Syalumu umwana umonsi wakwe Tokati, nupya umwizikulu wakwe Hasila. Syalumu ali wino wasunganga vyakuzwala vyakwe yasimapepo ivyamu Ng'anda ikulu yakwe Yawe. Fwandi ali vino yamutuzile umulandu uo.

Neemiya 12:39

Kufuma papa twiza tupuzya pa Mpongolo yakwe Efulemu, Mpongolo ya Yesyana, Mpongolo ya Nswi, pa Lupungu lwa Hananeli, pa Lupungu lwa Myanda, mpaka kufika nu ku Mpongolo ya Mfwele. Pakumalila itufika ku Mpongolo yakwe Yakalinda.

Neemiya 3:3

Amu mupanda wakwe Hasena nayo iyakuula Impongolo ya Nswi. Iyapangilila penepo ni nsondo nu kwika umulyango wakuyalila nga alino ni mifikilo ya vyela.

Ezaya 59:11

Fwandi pasi pantete mwe! Twatituputuka ni misana. Tukulolela sile Leza kuti aize atukulule kuli yano yatuteka imfine, lelo kusi nanti cimwi cino tungacita.

Yelemiya 39:2

Mu mwaka walenga ikumi na onga, uwa kuteeka kwakwe Zedekiya, mu mwezi wakwe cini, apa wanda walenga fundimbali, ilinga lyamokolwa.

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Ezekelo 6:13

Ivyala vyao vilaya sile ntangali ntangali, kumwi nu tuluwi twao kwene. Vilaya sile monsi monsi umu mbali ya tuvuwa twao, vilaya ntangali ntangali pa twamba tonsi ututali, na papela ya myamba yonsi, nu mwisika lya miti yonsi itambilile, nu mwisika lya miti yonsi ilembe, kuli kuti apali ponsi sile pano yakatuulila utuluwi impolelwa zyakoca. Nga alino yonsi yalasinkizya ukuti fwandi nene indi Yawe.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Zefaniya 1:15

Uwanda uo ulaya uwanda wa ukali, ulaya uwanda wa malanda nupya uwa cililizi, ulaya uwanda umwi uwa ononyi, nupya uwa cimvulunganya, ulaya uwanda wa mfinzi nayo ifitisye fititi, ulaya uwanda wa cifutika nupya uwa cipunga icikulu.

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”