Yuda 1:25 - Amazwi Yakwe Leza 2013

²⁵ Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.

Yuda 1:25 Kruisverwysings

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Masamu 147:5

Umwene witu umukulu nupya uwamaka. Amano yakwe amuntapimwa.

Masamu 78:20

Ukuya kwene wene uumile apa ciliwe, imufuma akaluzi. Uzye kwene ni cakulya naco angatupeela, atupeele ni cifwa, swe antu yakwe?”

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Luka 1:47

nupya untu wane ukuzangila muli Leza Katuula wane,

Yoane 4:22

Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Loma 16:27

Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.

Efeso 1:8

cikuku civule kunotuli. Mano nga nu kumanyikisya kwakwe Leza, vyaya vikulu cuze,

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Efeso 3:21

Lulumbi luye kuli Leza mwi uvi na muli Klistu Yesu mu mikulo yonsi na manda pe. Ameni.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 2:3

Vii ivisuma nupya vikazanzya Leza Katuula witu,

Tito 2:10

Yene yatalinzile kwiya vintu vyao. Lelo mu cifulo cakwe cico, yene yalinzile kulangilila yauze ukuti lyonsi yaya asuma akutailwa, pakuti Leza Katuula witu apelwe mucinzi muli vyonsi vino yakucita.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Tito 3:4

Lelo lino luse nu kutemwa kwakwe Leza Katuula witu vyasokolwilwe,

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.