Yuda 1:11 - Amazwi Yakwe Leza 2013

¹¹ Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

Yuda 1:11 Kruisverwysings

2 Yamwene 16:16

Uliya atali umukanyi, nga acita vyonsi ndi muno umwene Aazi wamunenyile.

Ezaya 3:11

Kalanda ku antu aipe! Yene yalacilola! Yalalipilwa apa uyi uno iminwe yao yacita.

Ezaya 3:9

Imilolekele apa manso yao, ikuyasinila sile. Yasifisama foo apa kwifya, yakucitila sile ivintu uku mufulo ndi vino aina Sodoma yacitanga. Iye mwee! Icumi yailetelela sile.

Yelemiya 13:27

Wene wailolela kuno mukucita ivintu vino wapata. Umu myamba nu mu vyalo ali muno mukalondelela utuluwi, tuleza twa inamasi, ndi vino umonsi akacita wino akukumbwa umuci wa muze, ndi vino mfwalasi yakalume ikacita apakukokomela iya kaci. Kalanda kuno muli mwe ina Yelusalemu! Uzye alilaci lino mulakondolwa?

Ezekelo 13:3

Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Mpendwa 31:16

Uzye mutamanyile ukuti yakwene ali yano apakulondela umpandamano wakwe Balamu yalenzile kuti aina Izlaeli yafutuke nu kusangukila Yawe mu mulandu wa pa Peoli, cakuti impungo yizile ipona pa ina Izlaeli.

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Malango 23:4

Yene yamwimile amanzi ni vyakulya lino mwafumile ku Eguputo, nupya yamwamile Balamu umwana wakwe Beoli, ukufuma ku musumba wa Petoli ku Mesopotamya ukwiza mutipwila.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

2 Petulo 2:15

Yasya inzila ya wololoke, nupya yaponga pa kulondela musango wakwe Balamu mwana wakwe Beoli. Balamu watemilwe impiya pa kuluvyanya kwakwe.

1 Yoane 3:12

Tutalinzile kukolana na Kaini. Wene wali kumbali ya Mui, nupya wakomile Abeli mwina wakwe. Uzye pacani cino Kaini wamukomile? Apamulandu wakuti milimo yakwe Kaini yali iipe. Lelo milimo ya mwina wakwe yali iisuma.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.