Yelemiya 30:3 - Amazwi Yakwe Leza 2013

³ Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 30:3 Kruisverwysings

Ezila 3:1

Lino umwezi wakwe cinimbali wafika, aina Izlaeli alanga yonsi pyu ikala umu misumba yao. Lyene yonsi yiza yakongana pamwi ni lango lyonga uku musumba wa Yelusalemu.

Ezila 3:12

Yasimapepo aikolo na ina Levi pamwi ni ntunguluzi zya mitundu, yano yaweni umufula wa Ng'anda ikulu yakwe Yawe iyampiti, vino yalolekanga yene iyalukusya sile aminsozi. Lelo antu ali ingi yene ala yakupunda ni nsansa.

Ezila 3:8

Nga alino lyene umu mwezi wakwe ciili uwa mwaka wakwe ciili pacisila ca kufuma mu uzya nu kufika pa cifulo apayelile Ng'anda ikulu yakwe Leza umu Yelusalemu, Zelubabeli umwana wakwe Syeatieli, na Yesyua umwana wakwe Yozadaki, iyatandika umulimo. Yene yazwiliziwe na ina yao asyala (kuli kuti yasimapepo na ina Levi nga na antu yonsi awelulwike ukufuma ku Babiloni ukwiza ku Yelusalemu). Pali pakusonta aina Levi a myaka amakumi yaili nanti ukuluta penepo apakuti yangaya akaangalila ya mulimo wi kuule lya ng'anda ikulu yakwe Yawe.

Masamu 126:4

We Yawe, senula uzya witu, uye wa tunguzi twamu Negebu.

Masamu 53:6

Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 27:11

Lelo umutundu onsi uno ulika insingo mwi koli lya mwene waku Babiloni nu kumutumikila, ndaleka yasyale umutende mu mpanga yao nu kulimamo nga nu kwikala umutende. Ivyalanda Yawe.”’”

Yelemiya 27:22

“Vilasendwa uku Babiloni, ali kuno vilasyala mpaka nu wanda uno ndavitola mviwezye kuno.” Ivyalanda Yawe.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 3:18

Umu manda kwene yaya, ang'anda yakwe Yuda yalalemana nu kuuvwana na ang'anda yakwe Izlaeli. Yalaapitila pamwi ukufuma ku kayeya, ukwiza ikala apali pamwi umu mpanga ino napiile ivikolwe vyao ukuya impanga yao ya upyanyi.”

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 30:4

Amazwi yano Yawe wavwanzile apamulandu wa ina Izlaeli na ina Yuda, aeya akuti,

Yelemiya 31:16

Yawe wavwanga wati, “Lesya izwi lyako ukulosya na manso yako ukuponya aminsozi, ni vipa vyako vitezya vitipasye aminsozi. Vyonsi vino wacitile ana yako ulalambwilwapo. Yene yalaweluluka ukufuma ku mpanga ya anisi yao.” Ivyalanda Yawe.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Yelemiya 31:27

Lolini, insita iliiza, ivyalanda ne Yawe, lino ndatovya mu ng'anda yakwe Yuda imbezu zya antu ni mbezu zya viteekwa.

Yelemiya 31:31

Yawe wavwanga wati, “Amanda yaliza lino ndapangana upangano upya na ang'anda yakwe Izlaeli na Yuda.

Yelemiya 31:38

“Insita iliiza lino umusumba wakwe Yawe ulakuulwa nupya, ukutandikila sile ku Lupungu lwa Hananeli, ukufika nu ku Mpongolo ya Pitungi.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.

Yelemiya 33:26

ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Yelemiya 51:60

Yelemiya walemvile umu lupapulo amasyamo yonsi yano yali nu kuponela Babiloni, na vyonsi vino vyali nu kufikila Babiloni.

Ezekelo 20:42

Lino ndamuwezezya mu mpanga ya Izlaeli, ino nalavile ukupeela ivikolwe vinu, alino mulasininkizya ukuti nene indi Yawe.

Ezekelo 34:13

Ndazifumya mu mpanga zya mitundu yonsi. Ndazikolonganika, nkaziwezezye nu mu mpanga yakwezyo. Ndazicemela mu myamba yamu Izlaeli, ku tunguzi twa manzi, nu mu mpanga zyonsi umwikala antu.

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Ezekelo 47:14

Mulapoka mwensi ivipande ivilingane, pano ali vino nalavile ivikolwe vinu nu mulapo po inti, ‘Ndamupeela impanga, ilaya icuma cinu caupyanyi.’

Yowelo 3:1

Yawe avwanga ati, “Mu manda yalya nu mu nsita kwene ilya, lino ndawezezya aikazi aku Yuda ulongo nga na aku Yelusalemu,

Zefaniya 2:7

Amu mutundu wakwe Yuda asyala yalikala mu mpanga inu. Yene yalacemelamo iviteekwa vyao nu kusendama mu mitanda ya ina Asyikeloni. Yawe Leza wao alayasakamala nu kuleka yaye nu longo nupya kwene.

Zefaniya 3:20

Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.

Luka 17:22

Lyene anena alondezi yakwe ati, “Insita ikwiza lino mulalondesya kulola uwanda wa Mwana wa Muntu, lelo mutalaulola.

Luka 19:43

Manda yaliza lino anisi yalakwizila nu kukukulilila ilinga. Yalakuzinguluka nu kukuyalila konsi.

Luka 21:6

“Kasita kaliza kakwe vii vyonsi vino mukulola lino kutalaya iwe nanti lyonga ililasyala pi we lyuze. Yonsi kwene yalomoolwa.”

Malango 30:3

ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.

Malango 30:5

Wene alamuwezya ku mpanga iyali ya vikolwe vinu nu kumupeela kuti iye iyakwinu. Nupya alamupeela ulongo ulwakuti mukasande ukuluta ni vikolwe vinu.

Ayebulai 8:8

Lelo Leza wazana mulandu mu antu yakwe, lino wavwanga wati, “Manda yakwiza lino nemo ndapanga upangano upya na amu luko lwakwe Izlaeli nga na amu luko lwakwe Yuda.