Yelemiya 1:18 - Amazwi Yakwe Leza 2013

¹⁸ Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.

Yelemiya 1:18 Kruisverwysings

Ezaya 50:7

Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 21:4

kuti yanene Zedekiya ukuti Yawe, Leza wa ina Izlaeli, wavwanga wati, “Zedekiya, namacimvya ivita vyako vino vikulwisya umwene waku Babiloni ni vita vyakwe. Ndakolonganika ivyanzo vya vita vyako apakasi ka musumba.

Yelemiya 26:24

Lelo pano nasyukile kavwangila, Aiikamu umwana wakwe Syefani, acino yatansumvile mu makasa ya antu pakuti yankome.

Yelemiya 34:3

Mutalapuka foo, Mulalemwa nu kupelwa umu makasa yakwe. Mulasimpana amanso ntontonto nu kulandana nawe alino muce musendwe nu ku Babiloni.

Yelemiya 37:7

“Yawe Leza wa ina Izlaeli wavwanga ukuti wasuke umwene wa ina Yuda uwatakutuma kunondi, uku kunguzya kuti indole ivita vyakwe Falao ivikwiza ku kutaasya nupya vyasya viswilile ku mpanga yao ku Eguputo.

Yelemiya 38:18

Lelo ndi cakuti utafumile nu kuyacimbila ivita vya mwene waku Babiloni, ale lyene umusumba uu umapeelwa mu makasa ya ina Babiloni. Yene yamaoca nga nawe kwene utalapusuka uku makasa yao.’”

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Yelemiya 42:22

Fwandi mucimanye ukuti mulafwa ku lupanga, ku cipowe nu ku mpungo mu ncende ino mukulonda ukuya mu kwikalamo.’ ”

Yelemiya 6:27

We Yelemiya nemo ninkucita wakwe simalungu, nga antu yane nayo wa cela, apakuti uyezye nga umanye imiyele yao.

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Umbwilo 3:12

Wino alacimvya ndamucita lupanda mu ng'anda ikulu yakwe Leza wane, nga nawe atalatala afumemo. Panoli ndalemba izina lyakwe Leza wane nga ni zina lya musumba wakwe Leza. Musumba uwo a Yelusalemu mupya, uno ukwika kwiyulu kufuma kuli Leza wane. Nupya panoli ndalemba izina lyane ilipya.