Yakapingula 5:3 - Amazwi Yakwe Leza 2013

³ Uvwini, mwe ene! Tezini mwe yakateeka! Namaimbilanga Yawe, namalizizyanga Yawe, Leza wa ina Izlaeli, ivinanda.

Yakapingula 5:3 Kruisverwysings

Utandiko 6:17

Namatuma imvula nga mulamba alazula insi yonsi nu kulovya ivya umi vyonsi ivyayamo. Vyonsi ivyaya panonsi vilafwa.

Utandiko 9:9

“Nacita upangano ndakai pakasi kakwe wewe na amu mupanda wako alakulondelela

1 Yamwene 18:22

Lyene Eliya ayanena ati, “Nene nenga sile nsile pali yakasema ya Mwene, lelo Baali akweti yakasema imyanda ini na makumi yasano.

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 19:14

Eliya nawe aasuka ati, “We Yawe, Leza Wamaka yonsi, nemo nkakutumikila amanda yonsi nupya awewe wenga mpo wino nkatumikila. Nga lelo aina Izlaeli yonona upangano wakwe wewe nayo. Yaongolola nu tuvuwa twako, yalunda penepo nu kukoma yakasema yako yonsi sile. Anene sile nasyala nenga. Nani kwene yakulonda kuti yankome.”

Ezila 7:21

“Lyene nene kwene ne mwene Alitakisesi, anene napeela isunde lii kuli yonsi akasunga icipao umu mbalama ya luzi lwa Yufulate kuti vyonsi vino simapepo Ezila, kalemba wa Masunde yakwe Leza wa mwiyulu, alamulenga, muce mu mupeele papo kwene.

Masamu 119:46

Indataka amasunde yako kuli yamwene, ni nsonyi ntaluvwa foo.

Masamu 146:2

Namalumbanya Yawe apa nsita ino ncili umumi, umu umi wane onsi namaimbilanga Leza wane.

Masamu 27:6

Lyene nati ntumpula nu mutwe apapelapela ya anisi yane, yayo ati yanzinguluka, lyene nemo inkutokowalika sile insingo apapela nu kupunda nu luzango apa kutuula impolelwa umwi sano lyakwe. Alino nu kwimbililila Yawe inyimbo zya kumulumbanya!

Masamu 61:8

Ali cino fwandi, nemo namakwimbililanga inyimbo zyakukuwanzya pee na pee. Alino namafikilizyanga ni vilayo vyane amanda yonsi ndi muno nakulaile.

Kufuma 31:6

Nupya nasolola na Ooliyabu umwana wakwe Aisamaki, uwamu mutundu wakwe Dani, kuti amwazwilizya. Nupya yafundi yonsi ndalenga kuti yaye na mano avule cuze, cakuti yatange yaposiwe kupanga icintu icili consi cino ningakupeela ilamulo kuti antu yao yapange.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Malango 32:1

“Iyulu ni nsi angala muvwe amazwi yane, muvwikisye vino nene nkulanda.

Malango 32:3

Namapundanga pa kulumbula izina lyakwe Yawe, na antu yakwe yamalanda ivya ukulu wakwe.

Yakapingula 5:7

Imisumba yamu Izlaeli yasangwike amatongwa, umutali cimwi, ukufika lino we Debola wizile, lino wizile wakwe nyina wa ina Izlaeli.