Yakapingula 3:9 - Amazwi Yakwe Leza 2013

⁹ Lyene aina Izlaeli yalilile kuli Yawe, nga nawe ayatumila umuntu uwayatuuzile. Umuntu wii wali a Otinieli, umwana wakwe Kenazi, umuto wakwe Kalebu.

Yakapingula 3:9 Kruisverwysings

Neemiya 9:27

Fwandi nawe ali cino wayapile mu makasa ya anisi yao, nayo ali pakuyacuzya. Na lino yacuziwa cuze yapunzile ntulwe kunoli. Nawe ali pakuyuvwa ukwako kwiyulu, nga ku luse lwako ulukulu uyapeela akuyatuula, akuyakuulula ku anisi yao.

Masamu 22:5

Awewe vyalililanga nawe ala ukuvipususya. Vyakutailanga nga vitaicuzizye awe.

Masamu 78:34

Lino wakomilepo yamwi asile penepo, yamwi ali pakuwelulukila kunoli, iyazenzuka nu kuzenzuka nupya iyamupepa wakwe cimwi.

Yoswa 15:17

Uwizile acimvya a Otinieli umwana umonsi wakwe Kenazi, umwina wakwe Kalebu. Acino Kalebu nawe amupeela Akisa umwana wakwe kuti aye umuci.

Yakapingula 1:13

Otinieli, umwana umonsi wakwe Kenazi, umuto wakwe Kalebu, apokolola umusumba ulya. Acino Kalebu amupeela Akisa, umwana wakwe umwanaci, kuti aye umuci.

Yakapingula 10:10

Alino lyene aina Izlaeli iyalilila kuli Yawe yavwanga yati, “Twatitwifya kunuli, pa kufutatila Leza witu nu kutumikila Tubaali.”

Yakapingula 2:16

Alino lyene Yawe ayapeela intunguluzi izyakuti zyayataasya lino yazanzwa na azanzi yalya.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 3:15

Lyene aina Izlaeli iyalilila kuli Yawe, nga nawe ayatumila umuntu uwayatuuzile. Umuntu wi wali a Eudi, umwana wakwe Gela, uwamu mutundu wakwe Benjamini. Eudi waomvyanga ikasa limani. Aina Izlaeli yatumile Eudi kuli Egiloni umwene waku Moabu, ala asenzile amawila akumupeela.

Yakapingula 3:8

Acino Yawe nawe pasi pakusokela aina Izlaeli alenga nu kuti Kusyani Lisyataimu, umwene waku Mesopotamya, ayacimvye. Wene wayateesile pa myaka cinani.

Yakapingula 4:3

Yabini wakweti amaceleta imyanda fundimbali a vyela. Wene wateesile aina Izlaeli mu uluku. Caleka aina Izlaeli iyakuuta kuli Yawe kuti ayazwe.

Yakapingula 6:7

Lyene aina Izlaeli pali pakulilila kuli Yawe kuti ayatuule ku ina Midyani.

1 Samueli 12:10

Lyene iyalilila kuli Yawe kuti ayazwe, iyati, ‘Twatitwifya pa kukufutatila we Yawe nu kutumikila maunkolanya yakwe Baali na yakwe Asyitaloti. Lelo ndakai tutuule ku anisi itu, nga naswe tumakupepa!’