Yakapingula 1:7 - Amazwi Yakwe Leza 2013

⁷ Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.

Yakapingula 1:7 Kruisverwysings

1 Yamwene 21:19

Lyene ukamunene uti, ‘Yawe wavwanga wati, pacisila ca kukoma umuntu uzye umatola ni calo cakwe kwene?’ Nupya umunene uti, ‘Yawe wavwanga wati, mu ncende muno yasimbwa yamyansile uwazi wakwe Naboti, nawe kwene ali muno yalamyantila uwazi wako.’ ”

Kufuma 29:20

Mumufyule, alino mutole uwazi umwi wakwe suuku wiyo nu kupaka pa nsongo yi kutwi lyakwe Aaloni ilya kwi kasa lyakwe lilunji nga na pa cikando ca kwi kasa lyakwe lilunji ucite icili conga ku ana yakwe Aloni. Uwazi uze ukanyile kavuwa kukazingulusya.

Ezaya 33:1

Kalanda kunuli we mononyi wemuno utatala wononwa, kasampa wa vyuma wemuno utatala usampwe. Lino ulamala ukonona, yalakonona. Na lino ulamala ukusampa ivyuma, nawe yalakusampa.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Loma 2:15

Pano micitile yao ikulanga ukuti vino Masunde yakataka ivyalembwa mu myenzo yao. Ni myenzo yao kwene ikasininkizya ukuti vino Masunde yataka ivya cumi, pano limwi melenganyo yao yakayavunuka limwi yakayazumilizya mu kuluvyanya kwao.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Umbwilo 13:10

Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Yakapingula 1:6

Adonibezeki autuka, lelo iyamucocovya, iyamulema nga iyamuputola ivyala nga ni vikando vikulu.

Yakapingula 9:24

Ni cintu cii cacitike pakuti cisikane na cino Abimeleki wacisile, ica kukoma ana amakumi cinimbali yakwe Gidyoni, nga nupya cisikane na vino aikazi yaku Syekemu yamukomelezyanga.

Yakapingula 9:57

Leza aleka nu kuti aikazi amu Syekemu nayo kwene yaculilemo pa nkota zyao. Fwandi cali wakwe vino Yotamu, umwana wakwe Gidyoni wavwanzile pa kuyatiipa ukuti yalaculilamo.

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.