Yakapingula 1:6 - Amazwi Yakwe Leza 2013

⁶ Adonibezeki autuka, lelo iyamucocovya, iyamulema nga iyamuputola ivyala nga ni vikando vikulu.

Yakapingula 1:6 Kruisverwysings

Esita 8:12

Ukutandikila sile apa wanda kwene uwa uwalenga ikumi na yatatu, ali lino ilamulo lii lyatandike ukuomba wi sunde umu muputule wa mpanga yonsi iya mwene Aasuwelo pano yapelela iya mu Pesya, umu mwezi walenga ikumi na iili, umwezi wakwe Adali.

Masamu 107:40

alino walesile ukuti asambazi yasuulwe, aleka nu kuti yalulumbe umu lwanga umwaula inzila.

Masamu 149:8

Ukunyepa yamwene yao umu minyololo, ni ntunguluzi zyao umu nsimbi zya vyela.

Masamu 59:11

We Leza, inkuti utayakoma, pano limwi antu yane yangiza yilile. Yapase sile, yasaate uku maka yako, alino yaponge, uyalovye. We Mwene, we kavwangila witu?

Kufuma 14:26

Yawe anena Mose ati, “Konzolola ikasa lyako usonte intuwa yako pali yemba, pakuti amanzi yaswilile nu kulenga kuti aina Eguputo ali mu maceleta, na ali pa mfwalasi, na ali pansi yonsi yamwele.”

Kufuma 21:24

ilinso pa linso, ilino pa lino, ikasa pi kasa,

Kufuma 29:20

Mumufyule, alino mutole uwazi umwi wakwe suuku wiyo nu kupaka pa nsongo yi kutwi lyakwe Aaloni ilya kwi kasa lyakwe lilunji nga na pa cikando ca kwi kasa lyakwe lilunji ucite icili conga ku ana yakwe Aloni. Uwazi uze ukanyile kavuwa kukazingulusya.

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Yoswa 15:16

Lyene Kalebu avwanga ati, “Umonsi wensi alazanza nu kucimvya Kilyati Sefeli ndamupeela Akisa umwana wane umwanaci kuti aye umuci.”

Yakapingula 1:5

Ku Bezeki kwene kuli kuno yakomenkinye Adonibezeki, nga iyamuzanza, iyacimvya aina Kenani na ina Pelizi.

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.