Yakapingula 1:18 - Amazwi Yakwe Leza 2013

¹⁸ Aina Yuda iyapoka ni misumba ya Gaza, Asyikeloni na Ekiloni, cila musumba ni mpanga yakweo.

Yakapingula 1:18 Kruisverwysings

1 Yamwene 4:24

Pano wene wateekanga amawene yonsi ayela lwaku uwondaka wa luzi lwaku Yufulate, ukutandikila ku Tifisa mpaka ukufika ku Gaza, nupya mwali umutende mu mpanga yakwe ni mpanga zyonsi izyamuzingulwike.

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Yelemiya 25:20

alino na maumba yonsi aenyi yao, yamwene yonsi a mpanga ya Uzi, yamwene yonsi a mpanga ya Filisti, Asyikeloni, Gaza, Ekiloni na yano yasiile mu Asyidodi.

Yelemiya 47:5

Antu aku Gaza yatiyapela inkuzu apakulosya. Umu Asyikeloni mwazuka. Nawe we Asyidodi, wemuno wasyala mu ina Anaki, uzye umaicembola mpaka lilaci?

Malango 2:23

Kulanda pa ina Aavi, yano yatenzi mu misumba yonsi mpaka ukufika nu ku Gaza, impanga yao yaposilwe na ina Kafitoli afumile ku Kafitoli, yayo ayakomile nu kwikala mu mpanga yao.)

Yoswa 11:22

Kutali umwina Anaki uwasile mu mpanga yonsi iya ina Izlaeli, suka sile mu Gaza, mu Gati, nu mu Asyidodi.

Yoswa 13:3

ukufuma ku Luzi lwa Syioli lwaku ufumondaka wa Eguputo ukufika nu ku mpanga ya Ekiloni ku katutu, yonsi kwene ino ikapendwa wa mpanga ya ina Kenani (ili mpanga yakwe yamwene yasano ya ina Filisti ateekanga mu Gaza, mu Asyidodi, mu Asyikeloni, mu Gati nu mu Ekiloni, impanga ya ina Avimu.)

Yoswa 15:11

Umupaka ulya iuya lwaku mutentemuko wakwe Ekiloni, nupya iusenukila ku Syikeloni, iulambila ku Mwamba wa Baala nga iufika ku Yabuneele. Umupaka uwa iupelela muli yemba.

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

Yakapingula 16:21

Lyene aina Filisti iyamulema iyamutonkola amanso nga iyamusenda iyatentemukila ku Gaza. Kuli kuno iyaya iyamunyepa mu minyololo iili iyamukuwa, nga iyainyepelela kwiwe lyakusila umu ng'anda yaminyololo amuno aasya.

Yakapingula 3:3

Yao asile mu mpanga ilya yali aikazi amu misumba isano ya ina Filisti, na ina Kenani yonsi, na ina Sidoni, na ina Hivi aikalanga mu myamba yaku Lebanoni. Ukutandikila lwaku Mwamba wa Baali Helimoni ukufika pa wingililo wa Lebo Hamati.

1 Samueli 6:17

Amaunkolanya ya vipute yakwe zaabu yano aina Filisti yatumile wa wila wa cizumila mulandu kuli Yawe yali ukulingana ni misumba yao, onga uwa musumba wa Asyidodi, uze uwa musumba wa Gaza, uze uwa musumba wa Asyikeloni, uze uwa musumba wa Gati nga na uze uwa musumba wa Ekiloni.