Umbwilo 9:8 - Amazwi Yakwe Leza 2013

⁸ Inyele zyao zyalolike wa nyele zya anaci. Amino yao yalolike wa mino yakwe cisama.

Umbwilo 9:8 Kruisverwysings

2 Yamwene 9:30

Lino Yeu wafika ku Yezileele, Yezebele auvwa ukuti watafika nga apenta ivipa, aluka ni vikuti nga asungamila ukunzi apa nzota.

Masamu 57:4

Nemo indi pakasi ka vilyanyi ivikateyamila antu. Amino ya viko yaya wa masumo ni nceto.

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

Yowelo 1:6

Imikumbi yakwe makanta yatipona muno nsi, cikuloleka icamaka sana nupya citangapendwa. Amino yakwe yali wa mino yakwe cisama uwakalume. Amino yakwe yakalipa wa mino yakwe cisama uwakaci.

Loma 9:29

Ezaya nupya wavwanzile ati, “Ndi mwene Wamaka yonsi wange alovye vizikulula vitu, twange tulowe wa misumba ya Sodoma na Gomola.”

1 Timoti 2:9

Na anaci kwene nkulonda kuti yazwala vizwalo vya mucinzi, vya mano nupya vilingine kuzwala. Yene yatalinzile kuiyemvya ni misango yakuluka inyele nanti kuzwala tuyembelo tuno twapangwa kuli zaabu nanti mbela yamutengo, nanti vizwalo vyamutengo ukome.

1 Petulo 3:3

Mutalinzile kuomvya vimwi vya kunzi kuti muiyemvye, wakwe vii, kuluka inyele, nanti kwikako tuyembelo, nanti vyakuzwala vino mukazwala.