Umbwilo 3:1 - Amazwi Yakwe Leza 2013

¹ “Lemba ku ntunguluzi yakwi uvi ku Sadisi uti, “Lii ilandwe kufuma kuli wino uwakwata mipasi cinimbali yakwe Leza nga ni ntanda cinimbali. Namanya vino ukacita na vino antu yakati wewe mumi lelo wewe mufwe!

Umbwilo 3:1 Kruisverwysings

Luka 15:24

Pano umwanane wii wafwile, lelo nupya ali nu umi. Waponzile, lelo ndakai watalondoka.’ Lyene yatandika kuzanga.

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Yoane 1:16

Pamulandu wakuvula kwa cikuku cakwe twapelwa upolelelo kulunda pa upolelelo uze.

Yoane 1:33

Nemo ntamanyile ukuti ali wikwene. Lelo Leza wino wantumile kuti nawatizya antu na manzi, wanenyile ati, ‘Ulalola Mupasi Wamuzilo akwika nu kwikala panoli. Yesu kwene wii ali wino alawatizya na Mupasi Wamuzilo.’

Yoane 20:22

Lino wavwanga vii ayaputa mupu, ayanena ati, “Pokelelini Mupasi Wamuzilo.”

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Efeso 2:1

Namwe mpiti mwali afwe ku mupasi pamulandu wa kuntayela kwinu na maifyo inu.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

1 Timoti 5:6

Lelo mukamfwilwa wino uwaipela mu vyakuizanzya ala wene wafwa akupita.

Yakobo 2:26

Caleka, vino mwili uwaula mupasi ala ufwe, vivyo kwene nu utailo uwaula milimo isuma nao ufwe.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:16

Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 2:19

Namanya vino ukacita, nga nu kutemwa kwako, na vino waya uwakutailwa. Namanya kutumikila kwako, na vino ukateeka umwenzo. Namanya ukuti ndakai ukucita ivisuma kuluta vino wacisile pa kutandika.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 3:15

Namanya milimo yako, nu kuti utazuka nanti kukaya. Endi ningatemwa kuti uye umuzuke nanti umukaye!

Umbwilo 3:2

Caleka zyuka ukomelezye vino usile navyo pano vimafwa. Pano nazana ukuti pasi mulimo wako uno wamala pa manso yakwe Leza wane.

Umbwilo 3:8

Namanya milimo yako. Nakuyulila mulyango nupya kusi angauyala. Namanya vino maka yako yatavula, lelo ukayela mazwi yane nupya utankana.

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.