Umbwilo 22:13 - Amazwi Yakwe Leza 2013

¹³ Nene Alufa na Omega kuli kuti utandiko nu umalilo.”

Umbwilo 22:13 Kruisverwysings

Ezaya 41:4

Aweni fwandi akalenga ukuti ciye vii? Aweni akalenga ukuti imikulo ya antu iye penepo ukufuma sile nu ku katalili? Anene ne Yawe naliko ukufuma nu ku katalili. Anene ne Yawe alayako ukufika na pa mpela ya vintu vyonsi.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Ezaya 48:12

Yawe wavwanga wati, “Uvwini kunondi, mwe amu mupanda wakwe Yakobo, mwemuno naama. Anene Leza wilya kwene. Nene wankolelo nga nu wakusyalikizya.

Yoane 13:32

Ndu lulumbi lwakwe Leza lwasokololwa mu Mwana, lyene Leza alasokolola lulumbi lwa Mwana wa Muntu munoli umwisikulu. Endi, alacita zuwa.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.